Лента. ру. Бо вуҷуди ихтилофоти ҷиддии Иёлоти Муттаҳидаи Амрико ва Чин, ҷанг миёни ин ду кишвар ғайриимкон аст. Ин андешаро сафири фавқулода ва мухтори Россия дар Ҷумҳурии Мардумии Чин Андрей Денисов иброз дошт, - менависад АИР "Новости".

 

Синхуа. Сафорати Чин дар Покистон рӯзи чоршанбе тасдиқ кард, ки дар натиҷаи таркиш дар вилояти Хайбар Пахтунхва дар шимолу ғарби Покистон 12 нафар, аз ҷумла нуҳ шаҳрванди Чин ва се шаҳрванди Покистон ба ҳалокат расид.

 

Известия. Президентҳои Россия ва Беларус Владимир Путин ва Александр Лукашенко ба ҳукуматҳои худ дастур доданд, ки нақшаи муштараки муқовимат бо таҳримҳои Ғарбро таҳия намоянд. Дар ин бора котиби матбуоти Раҳбари Беларус Наталя Эйсмонт хабар дод.

 

Газета. ру. Сабаби асосии афзоиши шумораи сироятёбӣ ба пандемияи коронавирус дар ҷаҳон штамми «делта» мебошад. Дар ин бора директори генералии  Созмони ҷаҳонии тандурустӣ Тедрос Гебрейесус дар маросими ифтитоҳи ҷаласаи кумитаи фавқулодаи  СҶТ оид ба арзёбии вазъи COVID-19 дар ҷаҳон изҳор дошт, - менависад  АИР «Новости».