маориф
ДДТТ: дараҷанокии илмӣ ба 42,8 % расид
Дараҷанокии илмӣ, -гуфт Убайдулло Қурбонов, ректори Донишгоҳи давлатии тиббии Тоҷикистон ба номи Абӯалӣ ибни Сино, - ба 42,8 фоиз расид, ки ин дар кишвар нишондиҳандаи хуб аст.
Байни донишгоҳ ва Донишгоҳи Париж-6 ва Донишгоҳи давлатии тиббии Федератсияи Русия ба номи А. Пирогов ҷиҳати мусоидат намудан дар рушди илм ва маълумоти олии мутахассисон шартномаҳои ҳамкорӣ ба имзо расиданд.
Ҳамчунин бо мақсади густариши муносибатҳои тоҷикону эрониҳо бо роҳи омӯзиш ва шиносоии дастовардҳои ҳамдигар Маркази Ҷумҳурии исломии Эрон ифтитоҳ ёфт.
Ба хазинаи умумии китобхона дар се моҳи соли равон 4337 нусха адабиёт ворид гардид, ки аз ин 2381 нусха, 12 номгӯй адабиёти таълимӣ мебошад.
9 маводи аввалияи тиббӣ баррасӣ шуд. Кори 4 мавзӯи илмӣ-тадқиқотӣ хотима ёфт. Дар шӯроҳои диссертатсионии донишгоҳ тайи се моҳ 3 рисолаи номзадӣ дифоъ ва 16 мавзӯи илмии аспирантон ва унвонҷӯён тасдиқ шуд.
«Луғати истилоҳоти тиббӣ» ба таври мукаммал мураттаб мегардаду дар танзим ва ягона сохтани истилоҳоти соҳа ҳамчун маҳаки асосӣ қарор мегирад.
Дар посух ба пурсиши хабарнигорон ректор изҳор дошт, ки дар донишгоҳ алҳол 470 донишҷӯ аз 15 кишвари хориҷӣ таҳсил мекунад.
Абдулқодири РАҲИМ
Баёни ақида (0) Санаи нашр: №: Мутолиа карданд: 5434