Дар маркази таълимӣ, илмӣ ва истеҳсолии “Фарматсия” - и Донишгоҳи тиббии Тоҷикистон ба номи Абуалӣ ибни Сино  шакли капсулаи равғани моҳӣ, кунҷит, сиёҳдона ва баъзе доруҳои дигар дар шакли қурс истеҳсол мегардад. Дар ин бора Ёраҳмад Қаландарзода, директори марказ, ба мо хабар дод.

 

Бино ба иттилои ӯ, ба ин хотир аз ҳисоби маблағҳои донишгоҳ ва ҳам гранти кишварҳои Чин, Русия ва Беларусия ба марказ таҷҳизоти муосир ворид гардидааст.

- Қарор аст, ки марказ 18 август дар  Рӯзи кормандони соҳаи тиб ба истеҳсоли маводи дору шурӯъ намояд, - афзуд Ё. Қаландарзода.  

Зимнан, маркази “Фарматсия” дар донишгоҳ соли 2016 дар асоси дастуру супоришҳои Пешвои миллат муҳтарам Эмомалӣ Раҳмон ба хотири ҳамгироии илм бо истеҳсолот ва рушди саноати дорусозӣ таъсис ёфтаст.

 

 

 

ЗАМИН ТО САТҲИ РЕКОРДӢ ТАФСОН МЕШАВАД

Дар ин бора сомонаи “Sputnik” бо истинод ба “Axios” иттилоъ додааст.

 

“Дар даҳ соли оянда эҳтимол Замин бо гармии ғайримуқаррарӣ рӯ ба рӯ гардад”, - ҳушдор додааст сомона.

Тавре дар сомона омадааст, дар сурати идома ёфтани партоби зиёди газҳои  гулхонаӣ ба атмосфера, эҳтимол то соли 2050 ҳарорати ҳаво аз 2 то 7  ва то соли 2080 аз 3 то 21 маротиба зиёд гардад. 

Зимнан, муҳаққиқони иқлим барои тағйири вазъ коҳиш додани  партоби газҳои  гулхонаиро зурур мешуморанд.

 

 

 

ДОНИШМАНДОНИ ОЛМОН РОҲИ НАВИ ТАБОБАТИ КОРОНАВИРУСРО КАШФ НАМУДАНД

Олмони Донишгоҳи Ҳеттингенси Олмон наноҷисме ихтироъ намуданд, ки коронавирус ва навъҳои нави онро масдуд мекунад. Натиҷаҳои ин бозёфт дар маҷаллаи  “The EMBO Journal”  нашр шудааст.

“Наноҷисм версияи хурди потан (антитела) буда, ба вирус мепайвандад ва онро безарар менамояд. Он, аслан, бар зидди S-сафедаи коронавирус, ки дар пайвастани вирус ба ҳуҷайра ва дохил шудани он ба организм мусоидат мекунад, равона гардидааст. Яъне наноҷисм пеши роҳи сироятёбиро мебандад”, - омадааст дар маҷалла.

Гуфта мешавад, ки таҳқиқгарон ба воситаи наноҷисмҳо ҳайвоноти гуногунро эмгузаронӣ карда, дар натиҷа, беш аз як миллиард антителаи гуногун ҷудо намуданд.

 

Фарзона ФАЙЗАЛӢ, “Ҷумҳурият”