Хабарҳо
ИМА ваъда дод, ки ҳамлаҳои ҳавоиро дар Афғонистон идома медиҳад
Известия. Котиби матбуоти Пентагон Ҷон Кирби хабар дод, ки Иёлоти Муттаҳидаи Амрико ҷиҳати пуштибонӣ аз Қувваҳои Мусаллаҳ ва неруҳои амниятии Афғонистон зарбаҳои ҳавоиро алайҳи «Толибон» идома медиҳад.
«Мо фаъолнокии «Толибон» - ро дар кишвар мушоҳида мекунем, вазъи амниятӣ то ҳол нигаронкунанда аст ва эътироф мекунем, ки барои дастгирии Ҳукумат ҳамлаҳои ҳавоӣ анҷом медиҳем ва анҷом хоҳем дод», - гуфт Кирби дар мусоҳибае, ки мустақиман дар аккаунти Твиттери идора пахш шуд.
"Хотиррасон кардан муҳим аст, ки худи қувваҳои ҳарбӣ - ҳавоии Афғонистон барои дастгирии неруҳояшон дар замин нисбат ба мо зиёдтар ҳамлаҳои ҳавоӣ анҷом медиҳанд", - гуфт сардори хадамоти матбуоти Вазорати мудофиаи ИМА.
ВАО: «Мақомоти Афғонистон соли 2020 -ум 5000 толибро
аз зиндон раҳо кард»
EurAsiaDaily. Тибқи иттилои рӯзномаи Wall Street Journal, Ҳукумати Афғонистон соли 2020 - ум 5 ҳазор ҷангҷӯи асир, аз ҷумла фармондеҳи ҷунбиши радикалии «Толибон» - ро, ки ҳамла намудан ба Лашкаргоҳ, маркази вилояти Ҳилманди Афғонистон ба уҳдаи ӯст, таҳти фишори ИМА озод кард.
Ба гуфтаи вай, яке аз фармондеҳони «Толибон» Мавлавӣ Толиб дар доираи музокироти сулҳ бо ҳазорон зиндониёни дигар, ки дубора ба тарафи «Толибон» меҷанганд, озод карда шуд. Дар аввал Кобул нахост маҳбусонро раҳо кунад, аммо таҳти фишори Вашингтон ин корро анҷом дод. Пеш аз озод шудан, маҳбусон шартномаеро имзо карда, дар он ваъда доданд, ки дигарбора бар зидди Ҳукумат намеҷанганд, вале аксарият дубора силоҳ ба даст гирифтанд, - менависад рӯзнома бо истинод ба сухангӯи Вазорати мудофиа Фавад Ҳаман.
Байден вазъи COVID - 19 - ро дар ИМА фоҷиа меномад
Известия. Президенти ИМА Ҷо Байден пандемияи коронавирусро дар кишвар фоҷиа номида, аз бад шудани вазъи кишвар дар ояндаи наздик ҳушдор дод. Мусоҳибаи Раҳбари Амрико дар саҳифаи Твиттераш пахш карда мешавад.
"Коршиносон ба мо мегӯянд, ки ин фоҷиаест, ки метавонист пешгирӣ шавад ва вазъ пеш аз беҳтар шуданаш бадтар хоҳад шуд", - гуфт Байден.
Ӯ зикр кард, дар давлатҳое, ки сатҳи эмгузаронии паст доранд, 10 - 20 маротиба ҳолати сироятёбӣ ба коронавирус беш аст, зеро онҳое, ки бар зидди сироят эм шудаанд, хеле кам бо COVID - 19 бемор мешаванд ва қариб ҳеҷ гоҳ ба беморхона намераванд.
Ба гуфтаи Байден, сатҳи эмгузаронӣ дар кишвар тайи як ҳафтаи охир аз 55 дарсад гузаштааст ва нишондоди миёнаи ваксинаи рӯзона баландтарин дар як моҳ аст.
Даъвати Беларус аз Қазоқистон
ТАСС. Беларус сарбозони Қазоқистонро барои иштирок дар машқҳои муштарак бо Русия "Ғарб-2021", ки моҳи сентябр баргузор мешавад, даъват кардааст.
Дар ин бора хадамоти матбуоти Вазорати мудофиаи ҷумҳурӣ пас аз мулоқоти сардори идора генерал - лейтенант Виктор Хренин бо муовини аввали вазири мудофиаи Қазоқистон - сардори ситоди генералӣ генерал - лейтенант Мурат Бектанов хабар дод. "Зимни мулоқот генерал - лейтенант Виктор Хренин ягонагии афкорро оид ба чолишҳо ва таҳдидҳо дар минтақаҳои Аврупои Шарқӣ ва Осиёи Марказӣ қайд намуда, ба сатҳи ҳамкории низомӣ миёни Ҷумҳурии Қазоқистон ва Ҷумҳурии Беларус баҳои баланд дода, аз Қазоқистон даъват кард, ки дар машқҳои «Ғарб -2021» иштирок намояд», - зикр мегардад дар Вазорати мудофиаи Беларус.
Баёни ақида (0) Санаи нашр: №: Мутолиа карданд: 785