Лента. ру. Кормандони Хадамоти бехатарии федералӣ дар Қрим амалиёти  махсус анҷом доданд ва дар ҷараёни он ду роҳбар ва се узви созмони террорис-тии «Ҳизб-ут-Таҳрир» -ро, ки дар Россия мамнуъ аст, боздошт карданд.  

Дар ин амалиёт кормандони Вазорати корҳои дохилӣ ва Гвардияи  Россия ширкат карданд. Гумонбаршудагон ба ҷалби мусалмонони дар нимҷазирабуда машғул буданд. Дар ҷараёни фаъолиятҳои зидди конститутсионӣ, ки ба таъсиси ба ном хилофати ҷаҳонӣ ва сарнагун кардани ҳукумати феълӣ нигаронда шудаанд, аъзои гурӯҳҳои хурди   пинҳонӣ амалкунанда вохӯриҳо баргузор намуда, дар байни онҳо идеологияи террористиро паҳн мекарданд.

 

 

ИА бо ҳукумати нави Афғонистон муколама доир месозад

Известия. Роҳбари дипломатияи аврупоӣ Жозеп Боррел гуфт, ки Иттиҳоди Аврупо бо ҳукумати нави Афғонистон муколама  хоҳад кард.

«Толибон» дар ҷанг пирӯз шуданд, аз ин рӯ мо бояд бо ҳукумати нав дар  Кобул барои пешгирии буҳронҳои муҳоҷират ва гуманитарӣ суҳбат намоем. Сухан дар  бораи муколама меравад, на дар бораи эътирофи  ҳукумати «Толибон». 

«Иттиҳоди Аврупо ният дорад кишвар-ҳои минтақаро, ки бо ноамнии минтақавӣ, қочоқи маводи мухаддир ва маҷрои назоратнашавандаи муҳоҷират дучор мешаванд, дастгирӣ кунад. Эътироф кардан лозим аст, ки миссия дар Афғонистон бо харҷи захираҳои бесобиқа анҷом дода шуд, аммо дар ниҳоят ба натиҷаҳои дилхоҳ оварда нарасонд», - гуфт Боррел.

 

 

 

АМА тасдиқ намуд, ки Ашраф Ғанӣ ва оилаи ӯ дар ин кишваранд

ТАСС. Амороти Муттаҳидаи Араб ба Президент Ашраф Ғанӣ ва аъзои оилаи ӯ, ки аз Афғонистон фирор карданд, паноҳандагӣ додааст. Дар ин бора Вазорати корҳои хориҷӣ ва ҳамкориҳои байналмилалии кишвар   иттилоъ дод.

«АМА Президент Ашраф Ғанӣ ва оилаи ӯро дар кишвар мутобиқ ба фаҳмиши башардӯстона пазируфт», - омадааст дар изҳороти вазорат.

 

 

 

Эрдоган бо Путин дар бораи вазъи Афғонистон музокира менамояд

Лента. ру. Президенти Туркия Реҷеп Тайип Эрдоган гуфт, ки интизор меравад охири ҳафта бо Роҳбари Россия Владимир Путин оид ба вазъи Афғонистон музокира намояд. Дар ин бора АИР «Новости» иттилоъ медиҳад.

Роҳбари Туркия, ҳамчунин, дар бораи нақшаҳои баррасии ин мавзуъ бо Канслери Олмон Ангела Меркел дар рӯзҳои наздик сухан гуфт.

Қаблан Эрдоган зикр карда буд, ки Ҳукумати Туркия барои ҳамкорӣ бо «Толибон» (созмони террористӣ, ки дар Россия мамнуъ аст) омода аст. Ба гуфтаи ӯ, Анкара аз изҳороти «қаноатмандона» - и ин ҳаракат истиқбол менамояд.