Мир 24. Президенти Ӯзбекистон Шавкат Мирзиёев ҳамкориҳои кишварҳои минтақаро дар масъалаи Афғонистон босамар номид. Дар ин бора хадамоти матбуоти Сарвари давлат пас аз натиҷаҳои ҷаласаи ғайринавбатии Шурои амнияти дастҷамъии СААД, ки ба вазъи Афғонистон бахшида шуд, хабар дод.

 

Известия. Дар рафти музокирот Президенти Россия Владимир Путин ва Роҳбари Беларус Александр Лукашенко оид ба натиҷаҳои ҷаласаи ғайринавбатии Шурои амнияти дастҷамъии СААД оид ба вазъи Афғонистон, ки 23 август баргузор шуд, табодули назар карданд.

 

ТАСС. Шабакаи телевизионии маҳаллии 1TV бо истинод ба намояндаи расмии радикалҳо Забеҳуллоҳ Муҷоҳид хабар медиҳад, ки ҳаракати радикалии «Толибон», ки ҳокимиятро дар Афғонистон ба даст овардааст, то замоне ки артиши Амрико аз ин кишвар комилан хориҷ нашавад, ҳукумати нав таъсис нахоҳад дод.   

 

Мир 24. Ба шахсони бешаҳрванд дар Россия ба муҳлати 10 сол шаҳодатномаи шахсият дода мешавад. Барои гирифтани ҳуҷҷат, бояд ба мақомоти минтақавии Вазорати корҳои дохилӣ ариза пешниҳод гардад. Бақайдгирӣ давоми 10 рӯз анҷом дода мешавад. Ин корро аз 24 август метавон анҷом дод.