Хабарҳо
БОКС
Пакяо аз Угас шикаст хӯрд
Муштзани кубагӣ Юрденис Угас (35-сола, 31 муҳориба: 27 ғалаба ва 4 бохт) дар набард барои ҳимояи унвони қаҳрамони Ассотсиатсияи ҷаҳонии бокс (WBA, дар вазни нимсабук) бар муштзани маъруфи филиппинӣ Мэнни Пакяо (42-сола, 72 рақобат: 62 ғалаба, 2 мусовӣ ва 8 бохт) ғолиб омад.
Тибқи иттилои sportbox.ru, Угас бо қарори доварон (115-113, 115-113, 116-112) пирӯз шуд.
ЛИГАИ ОЛӢ
Кӣ сармураббии "Равшан" - и Кӯлоб таъин гардид?
Коршиноси 58-сола Наҷмиддин Толибов ба курсии сармураббии тими «Равшан» (Кӯлоб) нишаст. Ӯ дар ин мақом Ғайраталӣ Мираҳмадовро иваз кард.
Наҷмиддин Толибов дар гузашта ба ҳайси бозигар дар дастаҳои «Вахш» (Қурғонтеппа) ва «Регар-ТадАЗ» (шаҳри Турсунзода) бозӣ кардааст. Мавсуф, қаблан ба симати сармураббӣ дар дастаҳои «Регар-ТадАЗ» ва «Энергетик» (ҳоло «Барқчӣ») фаъолият намудааст.
Бояд гуфт, ки ҳоло «Равшан» бо касби 19 хол дар зинаи шашуми ҷадвали чемпионат қарор дорад.
Маҳмуд БАҲРОМ,
шореҳи варзиш
Баёни ақида (0) Санаи нашр: №: Мутолиа карданд: 968