Қуръакашӣ бо чӣ натиҷа анҷом ёфт?

26 август дар шаҳри Истанбули Туркия маросими қуръакашии марҳилаи гурӯҳии Лигаи чемпионҳои мавсими 2021/2022 баргузор шуд.

Тибқи натиҷаи қуръакашӣ, дастаҳо ба 8 гурӯҳ чунин тақсим шуданд: «Пари Сен-Жермен», «Манчестер Сити», «РБ Лейптсиг», «Брюгге» (гурӯҳи «А»), «Атлетико», «Ливерпул», «Порту», «Милан» (гурӯҳи «B»), «Спортинг», «Боруссия» Дортмунд, «Аякс», «Бешиктош» (гурӯҳи «C»), «Интер», «Реал», «Шахтёр», «Шериф» (гурӯҳи «D»), «Бавария», «Барселона», «Бенфика», «Динамо» Киев (гурӯҳи «E»), «Вилярреал», «Манчестер Юнайтед», «Аталанта», «Янг Бойз» (гурӯҳи «F»), «Лилл», «Севиля», «Залтсбург», «Волфсбург» (гурӯҳи «G»), «Челси», «Ювентус», «Зенит», «Малмё» (гурӯҳи «H»).

Бозиҳои марҳилаи гурӯҳӣ 14 – 15 сентябр оғоз меёбанд. Вохӯрии финалӣ дар шаҳри Санкт-Петербург (Россия) мегузарад. 

 

 

 

УЕФА 

Киҳо беҳтаринҳои мавсими гузашта шуданд? 

Нимҳимоятгари тими «Челси» ва мунтахаби Италия Жоржинйо беҳтарин бозигари УЕФА дар мавсими 2020/2021 эътироф гардид.

Бояд гуфт, ки ин бозигар дар мавсими гузашта бо «Челси» қаҳрамони Лигаи чемпионҳо ва бо мунтахабаш чемпиони Аврупо шуда буд.

Миёни бонувон ин ҷоизаро Путеляс Алексия соҳиб гашт.

 

Маҳмуд БАҲРОМ, шореҳи варзиш