маориф
Чаро донишҷӯёни бо квота
дохилшуда дониш надоранд?
Зариф Шарифов, ректори Донишгоҳи давлатии омӯзгории Тоҷикистон, аз сифати пасти қабули донишҷӯён ба мактабҳои олӣ тибқи квотаи президентӣ изҳори нигаронӣ намуд.
Бино ба иттилои ӯ дар нишасти матбуотӣ ба намояндагони ВАО сатҳи дониши аксари ин гуна донишҷӯён паст аст ва аз 757 нафаре, ки бо имтиёз дар донишгоҳи мазкур таҳсил мекунад, нимсолаи аввали соли хонишро 63 дар сад бо баҳои се ҷамъбаст кард. Ва ҳашт нафари дигар бе ҳеҷ сабаб ба дарс наомад. Инчунин донишҷӯёне, ки тибқи квота қабул шуда, баъди ду-се моҳ донишгоҳро тарк мекунанд, ҳар сол ба чашм мерасанд.
Муроҷиати раёсати донишгоҳ ба мақомоти иҷроияи маҳаллии ҳокимияти давлатии шаҳру ноҳияҳо низ бобати ҳалли ин мушкил натиҷае намебахшад. Ҳол он ки тибқи квотаи президентӣ бояд хонандагони фаъоле, ки майлу рағбати зиёд ба таҳсил доранду бар асари камбизоатӣ ба мақсад расида наметавонанд, ба мактабҳои олӣ қабул шаванд. Пас чӣ бояд кард, то ки хоҳишмандони воқеан арзанда дар донишгоҳ таҳсил намоянд?
Ба иттилои ректори донишгоҳ тибқи муқаррароти Низомномаи Вазорати маорифи ҷумҳурӣ санҷишу интихоби довталабон аз рӯи квотаи президентӣ ба мактабҳои олӣ бо пешниҳоди мақомоти иҷроияи маҳаллии ҳокимияти давлатии ноҳияҳо ва таҳти назорати Вазорати маориф сурат мегирад.
Хайринисои Расулӣ
Баёни ақида (0) Санаи нашр: №: Мутолиа карданд: 5336
