Варзишгарони тоҷик 10 медал гирифтанд

То 7 сентябр варзишгарони Тоҷикистон дар аввалин Бозиҳои кишварҳои ИДМ, ки дар шаҳри Қазони Федератсияи Россия идома дорад, 10 медал (6 нуқра ва 4 биринҷӣ) ба даст оварданд. 

Медалҳои нуқраро Нурланбек Эрматов (бокс), Хуршедшоҳ Каримзода, Ҳоҷиакбар Тошмуродов (гӯштии кураш), Муҳаммад Икромов, Мустафо Аҳмадов (гӯштии тарзи озод) ва Фирӯз Мирзораҷабов (гӯштии юнонӣ-римӣ) соҳиб шуданд. Медалҳои биринҷӣ насиби Асламҷон Азизов (гӯштии юнонӣ - римӣ), Фирӯзҷон Зиёев, Дилшод Қурбонов (гӯштии камарбандӣ) ва Қурбоналӣ Охунов (гӯштии кураш) гашт.

Ҳоло, мунтахаби мо аз рӯйи шумораи медалҳо дар зинаи 7-ум аст. Дар сегонаи аввали ҷадвал Россия 80 (51-15-14), Узбекистон 47 (15-18-14) ва Қазоқистон 50 (7-15-28) қарор доранд.  Бозиҳо то 11 сентябр идома меёбанд. 

 

 

ФУТБОЛ

Бори дуюм рақобати Тоҷикистону Баҳрайн мусовӣ хотима ёфт 

Бозии дуюми рафиқона миёни мунтахабҳои то 23-солаи Баҳрайн ва Тоҷикистон, ки 6 сентябр дар пойтахти Баҳрайн – шаҳри Манама баргузор гардид, мусовӣ (2:2) ба анҷом расид.

Тибқи иттилои ФФТ, тӯбҳоро аз тими Тоҷикистон Эҳсони Панҷшанбе ба самар расонд. 

Дар вохӯрии якуми дӯстона низ ғолиб муайян (0:0) нагардида буд. 

Бояд гуфт, ки дидори рафиқона бо Баҳрайн барои мунтахаби Тоҷикистон (U-23) марҳилаи омодагӣ ба бозиҳои интихобии Ҷоми Осиё – 2022, ки аз 25 то 31 октябр дар Душанбе доир мегардад, ба ҳисоб меравад. Дар марҳилаи интихобӣ мунтахаби мо дар гурӯҳи «В» бо Лубнон (25 октябр), Непал (28 октябр) ва Эрон (31 октябр) неру месанҷад. 

 

Маҳмуд БАҲРОМ,  

шореҳи варзиш