Истиқлолият дар ҳаёти ҳар халқу миллат, бешубҳа, аз ҷумлаи бузургтарину муқаддастарин ҷашнҳои миллат аст. Дар марҳилаи аввал ин дастоварди сиёсии халқи тоҷик рӯ ба мушкиливу боиси ҷанги шаҳрвандӣ гашта, ҳатто хавфи парокандагӣ таҳдид мекард ва ана дар ҳамин рӯзҳои гарону сангин меъморе ногузир буд, ки  кишвари тозаистиқлолро аз ин вартаи ҳалокат бираҳонад. Шукри Яздони пок, ки дар симои Эмомалӣ Шарифович Раҳмонов кишвар як роҳбари хирадманду қавиирода, ташкилотчиву раиятпарварро пайдо кард. Имрӯз халқи тоҷик аз самари талошу такопӯйҳои ин Сарвари бузурги хеш на танҳо дар ҳамаи самтҳои хоҷагии халқ ба пешравиҳои бузурги даврони муосир муваффақ шуд, ҳамчунин тоҷику Тоҷикистонро дар миқёси ҷаҳонӣ арзанда муаррифӣ карда, дар ҳаллу фасли даҳҳо масоили глобалӣ фаъолона ширкат меварзад.

Бо боварии комил метавон умед баст, ки ҷумҳурӣ ҳоло дар марҳилаи бемайлони рушд қарор дошта, дар ду - се соли оянда ҷаҳониёнро аз ривоҷу равнақи илму истеҳсолоти дар заминаи технологияҳои пешрафта асосёфта ва сатҳи баланди иқтисодиёти миллии худ дарак хоҳад дод. Ҳоло  дар ҳамаи манотиқи мамлакат даҳҳо лоиҳаҳои зиёди сармоягузорӣ татбиқи худро пайдо мекунанд, ки шароит фароҳам меояд Тоҷикистон ба яке аз давлатҳои мутараққии минтақа табдил ёбад.  Ҷиҳати амалишавии ин марому иқдомҳо зарур аст, ки халқи азизамон  дар атрофи Пешвои муаззами миллат, Президенти кишвар муҳтарам Эмомалӣ Раҳмон аз ҳарвақта дида бештар муттаҳид шаванду баҳри пиёдасозии ин мақсадҳои наҷиб талошу такопӯ варзанд.

 

Оқил ОҚИЛОВ,

собиқ Сарвазири Ҷумҳурии Тоҷикистон