5 – 6 октябри соли равон дар ноҳияи Данғара бахшида ба 30-солагии Истиқлолияти давлатӣ таҳти унвони “Мактаби сиёсии Пешвои миллат” Конфронси байналмилалии илмӣ-амалӣ баргузор мегардад. Ҳамоиш бо эҳтимоми Ҳизби Халқии Демократии Тоҷикистон доир гардида, иштироки коршиносону муҳаққиқони дохилию хориҷӣ дар назар аст.  

Илҳомҷон Ҳамидиён, мудири шуъбаи таблиғот ва ташвиқоти КИМ ҲХДТ, мақсад аз доир гардидани конфронсро таҳким бахшидани рукнҳои илмӣ-амалии фаъолият ва ҳадафҳои барномавии Ҳизби Халқии Демократии Тоҷикистон ҳамчун мактаби сиёсӣ, ҳамзамон,  дастовардҳои сиёсии Ҳукумати кишвар тайи солҳои соҳибистиқлолӣ зери роҳбарии хирадмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон арзёбӣ кард. 

Чорабинӣ ба таври ҳузурӣ ва фосилавӣ (онлайн) сурат мегирад. Мақолаҳои илмию таҳлилии ба конфронс пешниҳодшуда дар шакли маҷмуа ба табъ расонда мешаванд. 

Бояд гуфт, ки ширкатдорон дар мавзуъҳои сиёсатшиносӣ, идоракунӣ, иқтисодиёт, энергетика, кишоварзӣ, саноатикунонӣ, ҳуқуқ, амнияти миллӣ ва  муносибатҳои байналмилалӣ маъруза мекунанд.

 

Судобаи ФАЙЗАЛӢ,  “Ҷумҳурият”