Дар шаҳри Душанбе таҳти раёсати Ҷумҳурии Тоҷикистон ҷаласаи муштараки Шурои вазирони корҳои хориҷӣ, Шурои вазирони мудофиа ва Кумитаи котибони шуроҳои амниятии кишварҳои узви Созмони Аҳдномаи амнияти дастҷамъӣ баргузор гардид. Дар ин бора Вазорати корҳои хориҷии Ҷумҳурии Тоҷикистон хабар дод.

Аз рӯйи натиҷаҳои иҷлосия тақрибан 20 қарор қабул шуд, ки ба тавсеаи ҳамкории кишварҳои узви СААД оид ба масъалаҳои амнияти биологӣ ва такмили системаи омодагии якҷояи кадрҳои ҳарбӣ барои Қувваҳои Мусаллаҳ нигаронда шудаанд. Инчунин, қарори Шурои амнияти дастҷамъӣ «Дар бораи намояндаи махсуси Дабири кулли СААД оид ба масъалаҳои ҳифзи сулҳ» қабул гардид.

Қарор карданд, ки ҷаласаи навбатии Шурои вазирони корҳои хориҷӣ, Шурои вазирони мудофиа ва Кумитаи котибони шуроҳои амнияти СААД нимаи аввали соли 2022 дар Арманистон доир шавад.

 

 

Ҷаласаи Шурои ҷавонони СҲШ дар Душанбе

Имрӯз дар ҳошияи раёсати Ҷумҳурии Тоҷикистон дар Созмони ҳамкории Шанхай ва 20-солагии СҲШ ҷаласаи навбатии Шурои ҷавонони Созмони ҳамкории Шанхай дар шаҳри Душанбе гузаронда мешавад. Дар ҷаласа иштироки аъзои қисмҳои миллии Шурои ҷавонони СҲШ дар назар аст.

Шурои ҷавонони СҲШ моҳи майи соли 2009 дар шаҳри Екатеринбурги Федератсияи Россия таъсис ёфта, ҳашт кишвар узви он мебошад.

Кумитаи кор бо ҷавонон ва варзиши назди Ҳукумати Ҷумҳурии Тоҷикистон ҳамчун мақомоти ваколатдори давлатӣ дар соли 2021 раисии се шӯро: Шурои кор бо ҷавонони СҲШ, Шурои кор бо ҷавонони ИДМ ва Шурои тарбияи ҷисмонӣ ва варзиши ИДМ- ро ба уҳда дорад.