Хабарҳо
ЛИГАИ ОЛӢ
Натиҷаи нерусанҷиҳои даври 20-ум
Бозиҳои даври 20-уми Чемпионати Тоҷикистон оид ба футбол миёни дастаҳои Лигаи олӣ ба анҷом расиданд. Садрнишини ҷадвали чемпионат – «Истиқлол» бар «Хатлон» бо ҳисоби 1:0 ғолиб омад.
Тибқи иттилои Лигаи футболи кишвар, дар вохӯрии дигар КМВА тими «Равшан»-ро бо натиҷаи 2:1 шикаст дода, ба зинаи сеюм баромад.
Натиҷаи қувваозмоиҳои боқимонда: «Файзканд» – «Хуҷанд» – 0:1, «Душанбе» – «Эсхата» – 1:2 ва «Кӯктош» – «Истаравшан» – 2:1.
Мавқеи дастаҳо дар ҷадвал чунин аст:
Левандовский ҷоизаи беҳтарин нишонзанро гирифт
Ҳамлагари дастаи «Бавария» Роберт Левандовский (Лаҳистон) бо «Бутсии тиллоӣ» қадр карда шуд. Ӯ дар мавсими 2020 – 2021 бо задани 42 гол беҳтарин нишонзани чемпионатҳои Аврупо гардида буд.
Дар мавсими ҷорӣ бошад, пас аз панҷ даври Бундеслига (Олмон) Левандовский бо 7 гол дар садри рӯйхати нишонзанҳои беҳтарин қарор дорад.
Бокси ғайрикасбӣ нуфузи бештар касб мекунад
Бори аввал дар таърихи Ассотсиатсияи байналмилалии бокси ғайрикасбӣ (AIBA) боксчиён дар Чемпионати ҷаҳон дар баробари медал бо ҷоизапулӣ қадр мешаванд.
Бар пояи иттилои сомонаи ассотсиатсия, ғолибон 100 000 доллари ИМА ва барандагони медалҳои нуқра 50 000, биринҷӣ 25 000 - долларӣ мегиранд.
Фонди ҷоизаҳои Чемпионати ҷаҳон оид ба бокс байни мардон (24 октябр – 6 ноябр, Белград) 2,6 миллион доллари ИМА эълон шуд.
Маҳмуд БАҲРОМ, шореҳи варзиш
Баёни ақида (0) Санаи нашр: №: Мутолиа карданд: 1080