маориф
Маркази омӯзиши забони англисӣ таъсис меёбад
- Донишгоҳи давлатии тиҷорати Тоҷикистон ягона донишгоҳи махсусгардонидашудаи тахассусии кишвар дар соҳаи иқтисодиёту тиҷорат маҳсуб меёбад, -гуфт ректор Мӯъмин Шарифов зимни нишасти матбуотӣ. Дар соли ҷорӣ бинои нави таълимӣ мавриди истифода қарор гирифт, ки ҷавобгӯи талаботи давр аст. Он дорои 4 толори лексионӣ бо 400 ҷойи нишаст, 4 аудитория барои машғулиятҳои амалӣ, 2 синфхонаи конференсияҳои байналмилалӣ мебошад.
310 компютер, ки 150-тои он бо шабакаи интернет пайваст аст, дар хидмати шогирдону устодон қарор дорад.
Китобхонаи донишгоҳ дорои ду толори хониш ва китобхонаи электронӣ буда, бо 31 компютер ҷиҳозонида шудааст.
Дар посух ба пурсиши хабарнигорон роҳбари муассиса изҳор дошт, ки 42 фоизи устодон дорои дараҷаи унвони илмианд. Ба тайёр кардани кадрҳои илмӣ-омӯзгорӣ диққати махсус дода мешвад. Алҳол 26 аспирант ва 8 нафар унвонҷӯ дар шӯъбаи аспирантура таҳсил менамоянд.
Дар мавриди низоми кредитии таҳсилот ректор гуфт, ки «мо ба ин низом аз соли хониши 2005-2006 гузаштаем ва ҳоло тамоми шӯъбаҳои рӯзона ва донишҷӯёни курси аввали шӯъбаи ғоибона тибқи он таълим мегиранд.
То оғози соли нави таҳсил бошад, дар донишгоҳ Маркази омӯзиши забони англисӣ таъсис меёбад. Ҳамчунин таъсиси Маркази тестӣ дар назар аст».
Абдулқодири РАҲИМ
Баёни ақида (0) Санаи нашр: №: Мутолиа карданд: 5473