фарҳанг
ДОНАНДАИ ТАЪРИХИ МИЛЛАТИ ХУД БОШЕМ!
Таърихи халқи тоҷик як қисмати пурифтихори китоби таърихи ҷаҳон мебошад. Донистани саргузашти халқи худ - ин шинохтани гузаштагони хеш, тараққиёти кишвар, илму маърифат ва забону Ватани хеш мебошад. Худшиносӣ якдилӣ ва ваҳдати миллатро ба вуҷуд меорад. Халқе, ки худшиносии миллӣ дорад, ҳамеша соҳибэҳтирому муваффақ аст.
Фанни таърих басо шавқангез буда, омӯзиши пай дар пайи фанни мазкур дониши толибилмро оид ба тарзи зиндагӣ, қаҳрамониҳои фарзандони фарзонаи миллат, омилҳои пайдоиш, раванд ва оқибати ҳодисаву рӯйдоде, ки ба сари халқ омадаанд, пурра мегардонад. Таърих илмест, ки маҷмуи воқеаву ҳодисаҳои гузаштаро меомӯзад.
Таърих илмест, ки дар бораи ҷомеаи инсонӣ аз замонҳои қадимтарин то ба имрӯз баҳс мекунад. Ниёгони мо офарандагони фарҳанги баландпояи ҷаҳонӣ дар Осиёи Марказӣ мебошанд ва мо имрӯз ҳам бо фарҳанги худ ифтихор мекунем.
Таърих фанни ибратомӯз буда, барои донистани сабаб, макон ва замони ҳаводис мусоидат мекунад. Воқеаву рӯйдод дар саҳифаи таърих фаровон аст ва онҳоро муҳит ва талаботи инсонҳо ба вуҷуд меоранд.
Аз ин рӯ, донистани таърих барои ҳар як шаҳрванди кишвар зарур ва муҳим аст, зеро шахсе, ки таърихи гузаштагони худро намедонад, ҳаргиз ба қадри халқу Меҳани худ намерасад.
Бибисоҷида РАҲМАТОВА,
омӯзгори таърих ва ҳуқуқи МТМУ № 14-и
ба номи Садриддин Айнии шаҳри Ваҳдат
Баёни ақида (0) Санаи нашр: 8.12.2021 №: 244 Мутолиа карданд: 2522
