Қонунҳои Ҷумҳурии Тоҷикистон “Дар бораи муқовимат бо терроризм”, “Дар бораи тарбияи ҷисмонӣ ва варзиш”, “Дар бораи парандапарварӣ”, “Дар бораи ҷавонон ва сиёсати давлатии ҷавонон”, Кодекси андози Ҷумҳурии Тоҷикистон, дар бораи ворид намудани тағйиру иловаҳо ба қонунҳои “Дар бораи таъмини аҳолӣ бо маҳсулоти хӯроквории ғанигардонидашуда”, “Дар бораи маориф”, “Дар бораи суғуртаи иҷтимоии давлатӣ”, “Дар бораи ҳимояи ҳуқуқи истеъмолкунандагон” ва “Дар бораи сиёсати давлатӣ дар соҳаи саноат” аз ҷумлаи онҳо мебошанд.

Кодекси андоз дар таҳрири нав қабул гардида, дар баробари имтиёзҳои мавҷуда, сабукиҳои нав пешбинӣ менамояд. Аз ҷумла, шумораи андозҳо аз 10 ба 7 номгӯй, меъёри андоз аз арзиши иловашуда аз 18 ба 15 дарсад, хизматрасониҳои меҳмонхонавӣ аз 18 ба 7 дарсад, фурӯши маҳсулоти кишоварзии истеҳсоли дохилӣ ва коркарди маҳсулоти кишоварзӣ аз 18 ба 5 дарсад кам гардид.

Қабулу ворид намудани тағйиру иловаҳо ба ин қонунҳо, ба рушду густариши соҳаҳои саноат, парандапарварӣ, варзиш, тарбияи ҷавонон, беҳтарсозии зиндагии мардум, таъмини қонуният ва пешрафти кори мақомоти давлативу ҷамъиятӣ равона шудаанд.

www.president.tj