Моддаи 1. Ба Кодекси ҳуқуқвайронкунии маъмурии Ҷумҳурии Тоҷикистон, ки бо Қонуни Ҷумҳурии Тоҷикистон аз 31 декабри соли 2008 қабул шудааст (Ахбори Маҷлиси Олии Ҷумҳурии Тоҷикистон, с.2008, №12, қ.1, мод.989, мод.990; с.2009, №5, мод.321, №9-10, мод.543; с.2010, №1, мод.2, мод.5, №3, мод.153, №7, мод.547, №12, қ.1, мод.812; с.2011, №6, мод.430, мод.431, №7-8, мод.610, №12, мод.838; с.2012, №4, мод.256, №7, мод.685, мод.693, №8, мод.814, №12, қ.1, мод.1004; с.2013, №3, мод.181, №7, мод.508; с.2014, №3, мод.143, мод.144, №7, қ.1, мод.389, мод.390; с.2015, №3, мод.201, №7-9, мод.707, мод.708, №11, мод.955, №12, қ.1, мод.1108; с.2016, №3, мод.130, мод.131, мод.132, №5, мод.359, мод.361, №7, мод.613, мод.614, №11, мод.877; с.2017, №1-2, мод.5, мод.6, №5, қ.1, мод.275, №7-9, мод.568, мод.585; с.2018, №1, мод.9, №5, мод.268, мод.269; с.2019, №1, мод.8, №6, мод.312, мод.313, №7, мод.464; с.2020, №1, мод.6, №7-9, мод.604, мод.606, мод.621, №12, мод.900, мод.901; с.2021, №6, мод.384, мод.385), тағйиру иловаҳои зерин ворид карда шаванд:

1. Дар моддаи 85:

- дар санксияи қисми 1 калимаҳои «понздаҳ то бист» ба калимаҳои «сӣ то чил» иваз карда шаванд;

- дар санксияи қисми 2 калимаҳои «чил то панҷоҳ» ба калимаҳои «ҳафтод то ҳаштод» иваз карда шаванд. 

2. Ба ном ва диспозитсияи қисми 1 моддаи 128 ва моддаи 131 пас аз калимаҳои «моддаҳои психотропӣ» калимаҳои «, ҳаммонанди (аналоги) онҳо» илова карда шаванд.

3. Дар моддаи 474: 

- сархати сеюми қисми 1 хориҷ карда шавад; 

- дар санксияи қисми 1 калимаҳои «ҳафт то даҳ», «бист то сӣ» ва «сад то дусад» мувофиқан ба калимаҳои «понздаҳ то бист», «чил то шаст» ва «дусад то чорсад» иваз карда шаванд;

- дар санксияи қисми 2 калимаҳои «дувоздаҳ то бист», «чил то панҷоҳ» ва «сесад то чорсад» мувофиқан ба калимаҳои «чил то шаст», «сад то яксаду бист» ва «панҷсад то шашсад» иваз карда шаванд.

4. Дар моддаи 4741:

- дар санксияи қисми 1 калимаҳои «сӣ то панҷоҳ», «панҷоҳ то сад» ва «сад то дусад» мувофиқан ба калимаҳои «шаст то ҳафтод», «яксаду ҳафтод то як саду ҳаштод» ва «шашсад то ҳафтсад» иваз карда шаванд; 

- дар санксияи қисми 2 калимаҳои «панҷоҳ то ҳафтод», «сад то яксаду панҷоҳ» ва «дусад то сесад» мувофиқан ба калимаҳои «навад то сад», «яксаду ҳаштод то яксаду навад» ва «ҳаштсад то як ҳазор» иваз карда шаванд;

- дар санксияи қисми 3 калимаҳои «панҷоҳ то сад» ба калимаҳои «шашсад то ҳаштсад» иваз карда шаванд;

- дар санксияи қисми 4 калимаҳои «дусад то сесад» ба калимаҳои «ҳаштсад то як ҳазор» иваз карда шаванд.

5. Моддаи 4742 дар таҳрири зерин ифода карда шавад:

«Моддаи 4742. Ғайриқонунӣ ба роҳ мондан ва гирифтани таълими динӣ

1. Барои ғайриқонунӣ ба роҳ мондани таълими динӣ, аз ҷумла тавассути шабакаи интернет, агар чунин кирдор хусусияти динии экстремистӣ надошта бошад, -

ба шахсони воқеӣ ба андозаи аз навад то яксаду панҷоҳ, кормандону роҳбарони иттиҳодияҳои динӣ аз яксаду шаст то яксаду ҳафтод ва ба шахсони ҳуқуқӣ аз ҳафтсад то нуҳсад нишондиҳанда барои ҳисобҳо ҷарима таъин карда мешавад.

2. Барои ғайриқонунӣ гирифтани таълими динӣ, -

ба андозаи аз панҷоҳ то навад нишондиҳанда барои ҳисобҳо ҷарима таъин карда мешавад. 

3. Барои риоя накардани тартиби гирифтани таълими динии шаҳрвандони Ҷумҳурии Тоҷикистон дар хориҷи кишвар, -

ба шахсони воқеӣ ба андозаи аз ҳаштод то яксаду сӣ, кормандону роҳбарони иттиҳодияҳои динӣ ва шахсони мансабдор аз яксаду бист то яксаду панҷоҳ ва ба шахсони ҳуқуқӣ аз шашсад то ҳаштсад нишондиҳанда барои ҳисобҳо ҷарима таъин карда мешавад.».

6. Дар моддаи 4743:

- матни модда қисми 1 ҳисобида шуда, рақамгузорӣ карда шавад ва дар санксия калимаҳои «сӣ то чил» ба калимаҳои «ҳаштод то навад» иваз карда шаванд;

- қисми 2 бо мазмуни зерин илова карда шавад:

«2. Барои дар давоми сол баъди таъини ҷазои маъмурӣ такроран содир намудани кирдори дар қисми якуми ҳамин модда пешбинишуда, -

ба андозаи аз сад то яксаду панҷоҳ нишондиҳанда барои ҳисобҳо ҷарима таъин карда мешавад.».

7. Дар санксияи қисми 1 моддаи 4744 калимаҳои «панҷоҳ то сад» ба калимаҳои «яксаду чил то яксаду панҷоҳ» иваз карда шаванд.

8. Дар санксияи моддаи 570 калимаҳои «аз даҳ то бист» ба калимаҳои «аз панҷ то даҳ» иваз карда шаванд.

9. Дар санксияи моддаи 571 калимаҳои «аз даҳ то бист» ба калимаҳои «аз панҷ то даҳ» иваз карда шаванд.

10. Дар санксияи моддаи 574 калимаҳои «аз даҳ то бист» ба калимаҳои «аз панҷ то даҳ» иваз карда шаванд.

11. Дар санксияи моддаи 588 калимаҳои «аз даҳ то бист», «аз сӣ то чил» ва «аз сад то яксаду панҷоҳ» мувофиқан ба калимаҳои «аз панҷ то даҳ», «аз даҳ то бист» ва «аз панҷоҳ то сад» иваз карда шаванд.

12. Санксияи моддаи 598 дар таҳрири зерин ифода карда шавад:

«ба шахсони воқеӣ ба андозаи аз даҳ то бист, ба шахсони мансабдор аз сӣ то чил ва ба шахсони ҳуқуқӣ аз панҷоҳ то сад нишондиҳанда барои ҳисобҳо ҷарима таъин карда мешавад.».

Моддаи 2. Қонуни мазкур пас аз интишори расмӣ мавриди амал қарор дода шавад.

 

 

 

Мутобиқи моддаи 60 Конститутсияи Ҷумҳурии Тоҷикистон Маҷлиси намояндагони Маҷлиси Олии Ҷумҳурии Тоҷикистон қарор мекунад:

Қонуни Ҷумҳурии Тоҷикистон «Дар бораи ворид намудани тағйиру иловаҳо ба Кодекси ҳуқуқвайронкунии маъмурии Ҷумҳурии Тоҷикистон» қабул карда шавад.

 

 

Мутобиқи моддаи 60 Конститутсияи Ҷумҳурии Тоҷикистон, моддаи 59 Қонуни конститутсионии Ҷумҳурии Тоҷикистон «Дар бораи Маҷлиси Олии Ҷумҳурии Тоҷикистон» Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон «Дар бораи ворид намудани тағйиру иловаҳо ба Кодекси ҳуқуқвайронкунии маъмурии Ҷумҳурии Тоҷикистон»-ро баррасӣ намуда,  қарор мекунад: 

Қонуни Ҷумҳурии Тоҷикистон «Дар бораи ворид намудани тағйиру иловаҳо ба Кодекси ҳуқуқвайронкунии маъмурии Ҷумҳурии Тоҷикистон» ҷонибдорӣ карда шавад.