Моддаи 1. Ба Қонуни Ҷумҳурии Тоҷикистон «Дар бораи стандартҳои иҷтимоии давлатӣ» аз 19 майи соли 2009 (Ахбори Маҷлиси Олии Ҷумҳурии Тоҷикистон, с. 2009, №5, мод. 335) тағйироти зерин ворид карда шаванд:

1. Аз сархати якуми моддаи 2 ва матни моддаи 4 калимаи «(Сарқонуни)» хориҷ карда шавад.

2. Дар қисмҳои 1 ва 2 моддаи 3 калимаҳои «мақомоти худидоракунии маҳаллӣ» ба калимаҳои «мақомоти худидоракунии шаҳрак ва деҳот» иваз карда шаванд.

3. Дар моддаи 10:

- қисмҳо рақамгузорӣ карда шаванд;

- сархати чоруми қисми якум дар таҳрири зерин ифода карда шавад:

«- тартиби пардохти изофакорӣ, кор дар рӯзҳои истироҳат ва ид.»;

- дар қисми дуюм:

- сархати чорум дар таҳрири зерин ифода карда шавад:

«- кӯтоҳ намудани рӯзи кории кормандоне, ки ба корҳои вазнин, зеризаминӣ ва шароити меҳнаташон зарарнок машғуланд;»;

- дар сархати панҷум калимаи «таъминоти» ба калимаи «таъмини» иваз карда шавад.

4. Дар моддаи 17:

- дар сархатҳои якум, дуюм ва сеюм калимаи «ёрии» ба калимаи «кумаки» иваз карда шавад;

- сархати панҷум дар таҳрири зерин ифода карда шавад:

«- қоида ва меъёрҳои давлатии санитарию эпидемиологӣ;».

Моддаи 2. Қонуни мазкур пас аз интишори расмӣ мавриди амал қарор дода шавад.

 

 

Мутобиқи моддаи 60 Конститутсияи Ҷумҳурии Тоҷикистон Маҷлиси намояндагони Маҷлиси Олии Ҷумҳурии Тоҷикистон қарор мекунад:

Қонуни Ҷумҳурии Тоҷикистон «Оид ба ворид намудани тағйирот ба Қонуни Ҷумҳурии Тоҷикистон «Дар бораи стандартҳои иҷтимоии давлатӣ» қабул карда шавад. 

 

 

 

Мутобиқи моддаи 60 Конститутсияи Ҷумҳурии Тоҷикистон, моддаи 59 Қонуни конститутсионии Ҷумҳурии Тоҷикистон «Дар бораи Маҷлиси Олии Ҷумҳурии Тоҷикистон» Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон «Оид ба ворид намудани тағйирот ба Қонуни Ҷумҳурии Тоҷикистон «Дар бораи стандартҳои иҷтимоии давлатӣ»-ро баррасӣ намуда, қарор мекунад: 

Қонуни Ҷумҳурии Тоҷикистон «Оид ба ворид намудани тағйирот ба Қонуни Ҷумҳурии Тоҷикистон «Дар бораи стандартҳои иҷтимоии давлатӣ» ҷонибдорӣ карда шавад.