Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон матбуотро чашму гӯши халқ ва муҳимтарин рукни ҷомеаи демократӣ арзёбӣ кардаанд. 

 

Рушди техникаву технология аз Ҷопон маншаъ мегирад. Дар ҳоле ки дар ин кишвари пешрафта рӯзнома мавқеъву мақоми хосеро соҳиб аст. Ба ҳисоби миёна дар Ҷопон 55 миллион адад рӯзнома ба табъ мерасад, ки ин сари ҳар 1000 нафар аҳолӣ 600 - нусхагӣ рӯзнома рост меояд. 

Вале ин ҷо масъалае низ ҷой дорад, ки ислоҳи он метавонад боиси серхонанда шудани нашрияҳо гардад. Мо хуб медонем, ки дар Тоҷикистон бештари нашрияҳо ҳафтаворанд – ҳафтае як маротиба ба чоп мерасанд. Аз ин сабаб, аксар вақт аҳамияти хабару гузоришҳо кам гардида, хонандаро аз худ дур месозад. Дар чунин сурат матбуоти имрӯза бояд шеваи кори худро тағйир диҳад, ки ин бозтобу пайгирии мавзуъ, рӯйдоду воқеаҳо мебошад. Агар хонанда доир ба воқеаву ҳодисаҳо ба таври оҷил тариқи сомонаҳои интернетӣ хабардор мегардад, пас, бо ҷузъият ва бозтоби мавзуъ аз саҳифаи нашрия бояд шинос шавад. Ҳамин хусусият дар расонаҳои электронӣ ба назар намерасад. Аз таҳлили амиқу васеи матбуот хонанда имкон пайдо мекунад, ки мавзуъро натиҷагирӣ карда, хулосаи дуруст барорад. 

Хушбахтона, имконияту тавон ва таҷрибае, ки дар баррасии мавзуъҳои муҳим матбуот дорад, дар дигар воситаҳои ахбор хеле кам ба назар мерасад. Хусусан, матбуоти тоҷик дар баррасии мавзуъҳои доғ ва ҳалталаби ҷомеа аз афзалияти хос бархӯрдор буда, ба ин васила, дар ҳаллу фасли бисёр мушкиливу муаммоҳои мардум кумакрасон аст. Гузашта аз ин ва муҳимтар аз ҳама, рӯзнома тарбиятгари маърифату маънавиёт мебошад.  

 

Гулафзо ҶӮРАЕВА, шаҳри Душанбе