Лента. ру. Константин Гаврилов, роҳбари ҳайати Россия дар музокироти Вена оид ба амнияти низомӣ ва назорати аслиҳа гуфт, ки Россия нияти муддати  номуайян интизори посух ба пешниҳодҳои амниятии худ аз ИМА ва НАТО-ро надорад.  

Гаврилов таваҷҷуҳро ба он ҷалб кард, ки Маскав интизор дорад,  ҳафтаи  равон  аз кишварҳои ғарбӣ посух бигирад. Агар ИМА ва НАТО талабҳои Россияро нодида гиранд, Маскав аз амнияти худ дар Аврупо бо усулҳои дигар дифоъ хоҳад кард. "Ҳам аврупоиҳо ва ҳам амрикоиҳо инро дар худ эҳсос хоҳанд кард" , - гуфт дипломати рус.

Номзад ба мақоми Президенти Фаронса хостори лағви таҳримҳо алайҳи Россия шуд

Лента.ру. Номзад ба мақоми президенти Фаронса, муассиси ҳизби Reconquest  Эрик Земмур аз лағви таҳримҳои аврупоӣ алайҳи Россия ҷонибдорӣ намуд ва бо чунин даъват дар шабакаи телевизионии France 5 баромад кард.

Ба гуфтаи сиёсатмадор, Париж бояд бо Москва дӯст бошад. “Мо бояд  бозичаи дасти ИМА  набошем. Амрико аз қудрати бузургаш истифода намуда,  ба бархезондани кишварҳои  аврупоӣ бар зидди Россия машғул  мебошад ”, - гуфт ӯ. Ба гуфтаи Земмур, дар баробари кӯчактарин наздикшавии Аврупо ва Россия, Вашингтон талош дорад онҳоро аз ҳам ҷудо кунад. "Фаронса метавонад, масалан, бо лағви таҳримҳо ба Москва  таваҷҷуҳи  дӯстона нишон диҳад. Агар ман президент мебудам, мегуфтам, ки дигар таҳримҳо алайҳи Россия нахоҳанд буд”, - гуфт ӯ.

 

Зас: «Буҳрони гуманитарӣ дар Афғонистон барои кишварҳои узви СААД низ таҳдид мекунад»

Мир24. Созмони  Аҳдномаи  амнияти дастаҷамъӣ ҷиҳати таҳкими марзҳои ҷанубӣ талош мекунад, зеро буҳрони гуманитарӣ дар Афғонистон барои кишварҳои узви СААД низ хатар дорад. Дар ин бора Дабири кулли созмон Станислав Зас дар пахши шабакаи телевизионии OНT изҳор дошт. 

«Вазъият пас аз хуруҷи неруҳои амрикоӣ ва муттаҳидонаш аз Афғонистон нигаронкунанда аст. Таҳдиди террористӣ ва хатари қочоқи маводи мухаддир аз ҳудуди  ин кишвар боқӣ мемонад. Аз ин рӯ, мо барои таҳкими марзҳои ҷанубии худ, пеш аз ҳама, марзи Тоҷикистон бо Афғонистон,  талош дорем”, - гуфт ӯ.

 

Президенти Арманистон Саркисян ба далели надоштани салоҳият истеъфо дод

Известия.  «Ман муддати тулонӣ фикр кардам ва тақрибан пас аз чор соли фаъолият тасмим гирифтам, ки аз маснади Президенти Арманистон истеъфо диҳам. Ин тасмими эҳсосотӣ нест ва комилан аз як мантиқи муайян бармеояд», - гуфта мешавад дар изҳороти сомонаи   маъмурияти ӯ.

Саркисян сабаби ин тасмими худро ба нокифоя будани салоҳият барои таъсиррасонӣ ба равандҳои бунёдии сиёсати дохилӣ ва хориҷӣ номид. 

 

СҶТ ба сабаби  «Омикрон»  аз хотима ёфтани пандемия дар Аврупо  тахмин кард

Известия. Клюге, директори бюрои Созмони ҷаҳонии тандурустӣ, таъкид кард, ки эҳтимол минтақаи Аврупо ба марҳилаи ниҳоии пандемия наздик шавад. 

Ба навиштаи New Straits Times, Клюге изҳори итминон кардааст, ки пас аз коҳиш ёфтани афзоиши штамми «Омикрон» дар Аврупо масунияти умумӣ  ба туфайли эмгузаронӣ ё аз сар гузарондани беморӣ  муддати  муайян вуҷуд хоҳад дошт. Коршинос, ҳамчунин,  тахмин  кард, ки мавҷи нави сироятҳо дигар он қадар оммавӣ нахоҳад шуд.