Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон»  барои ҳифзи арзишҳои фарҳанги миллӣ асос гузошта, суннатҳои динию мардумиро ба танзим даровард, пеши роҳи худнамоию зоҳирпарастӣ ва исрофкорию зиёдаравиҳоро гирифт. Бо ташаббуси Пешвои миллат муҳтарам Эмомалӣ Раҳмон қабул шудани  Қонуни мазкур, яке аз қадамҳои устувор дар рушди соҳаҳои иҷтимоиву иқтисодии кишвар, аз ҷумла дар беҳбудии сатҳи зиндагии аҳолии кишвари азизамон Тоҷикистон, аст.  Қонун имконият дод, ки низому тартиботи ягонаи баргузории чорабиниҳои миллию мардумӣ дар байни оммаи васеи аҳолӣ пурра ба ҳукми анъана дарояд.  

Аз ин ҷост, ки китобдорони   Муассисаи давлатии “Китобхонаи оммавии вилояти Хатлон ба номи Садриддин Айнӣ дар шаҳри Кӯлоб” ҷиҳати иҷрои  Қонуни мазкур  саҳми муносиби хешро  гузошта истодаанд. Барои тарғиби адабиёт ва дигар маводҳои чопӣ оид ба шарҳу эзоҳи Қонун дар мавзуоти “Танзим зиндагиро баракат бахшид”, “Танзими расму оин кори хайру савоб аст”, “Файзу баракат аз танзим аст” картотекаи мавзуӣ ва намоиши пурмазмуни китобӣ тартиб дода шуда, ҳамеша бо маводи нави хонданибоб пурра гардонда мешавад. 

Ҳамзамон, китобдорон мунтазам ҷиҳати пешгирӣ намудани хароҷоти зиёдатӣ ҳангоми барпо намудани маъракаҳо, риояи талаботи Қонун ҳангоми таҷлили  Иди саиди Фитр , Иди Қурбон  бо дасрасии моддаи 7, банди 4, (ҚҶТ аз 28.08.2017, №1461) корҳои фаҳмондадиҳиро ба роҳ мондаанд.

Ҳамин буд, ки дар моҳи шарифи  Рамазон ва дар арафаи таҷлили Иди  саиди Фитр бо аҳли кормандон  ва аъзоёни фаъоли маҳфили “Фурӯғи субҳи доноӣ китоб аст”, ки дар назди Китобхона амал мекунад  дар мавзуи “Танзим фардоро беҳтар аз имрӯз мекунад” суҳбати пурмуҳтаво баргузор гардид. Дар рафти суҳбат раиси комиссияи ҷамъиятии  назди муассиса оид ба харҷҳои бемаъниву серхароҷот барои густурдани дастархони идона тибқи риояи талаботи Қонун  ба кормандон маслиҳатҳои муфид дод.   

Ҳамин тавр, иҷро ва риояи Қонуни мазкур дар дигар чорабиниҳои оммавӣ, ки бахшида ба санаҳои муҳими таърихӣ  мегузаранд, мавриди таҳлилу омӯзиш ва хулосабарории хонандагону китобдорон қарор мегирад. Чунки ҳар як қонуне, ки дар Ҷумҳурии Тоҷикистон қабул мегардад, ҳадафҳои худро дорад ва ба хотири пешрафту шукуфоии Тоҷикистон баҳри ба зиндагии шоиста расондани мардум нигаронда мешавад.  

 

Абдулҳакимзода САОДАТ, 

директори  Муассисаи давлатии 

«Китобхонаи оммавии вилояти Хатлон 

ба номи Садриддин Айнӣ дар шаҳри Кӯлоб»