Лоиҳаи рушди фарогирии деҳот/TRIGGER ҷаласаи якуми Шурои ҳавзаи дарёи Вахшро оид ба идоракунии ҳамгирошудаи захираҳои об дар шаҳри Бохтар дастгирӣ кард. Дар ҷаласае, ки дар шаҳри Бохтар доир шуд, аъзои Шурои ҳавзавӣ, намояндагони Вазорати энергетика ва захираҳои об, мақомоти иҷроияи ҳокимияти давлатии якчанд шаҳру навоҳии ҷумҳурӣ, ҷонибҳои манфиатдор аз бахши давлатӣ, созмонҳои ҷамъиятии шаҳрвандӣ, байналмилалӣ, маҳаллӣ ва хусусӣ иштирок намуданд.

 

Ҷаласаро муовини сардори раёсати захираҳои оби Вазорати энергетика ва захираҳои оби Ҷумҳурии Тоҷикистон Г. Шарифов ифтитоҳ намуда, ба аҳамияти татбиқи Барномаи ислоҳоти оби Тоҷикистон барои солҳои 2016-2025 таъкид намуд. Ислоҳоти об мақсадҳо, вазифаҳо ва механизмҳои ҳалли проблемаҳои мавҷудаи марбут ба банақшагирӣ, истифода ва идораи захираҳои обро муқаррар ва баҳри ислоҳот маблағҳои калони молиявӣ ҷудо менамояд. 

Тибқи овоздиҳӣ мақомоти роҳбарикунанда ва низомномаи Шурои ҳавзаи дарё, инчунин, аксарияти кулли аъзоёни Шурои ҳавзаи дарё тасдиқ карда шуданд. Илова бар ин, дар вохӯрӣ шарикони рушд, аз ҷумла GIZ, CARITAS, Бонки ҷаҳонӣ ва Бонки осиёии рушд фаъолиятҳои лоиҳавии худро дар ҳавзаи дарёи Вахш бо тавсияҳо ва роҳҳои ҳалли беҳтар оид ба идоракунии устувор ва тағйирпазири захираҳои об дар ҳавзаи дарёи Вахш муаррифӣ намуданд.

Дар натиҷаи ҷаласа ҳамчун унсури асосии таъмини рушд ва татбиқи муштарак ҷиҳати ноил шудан ба истифодаи фарогир, одилона ва устувори идоракунии захираҳои обӣ дар ҳавзаи дарё таъсис дода шуд. Лоиҳа амалиёти худро баҳри дастгирии Вазорати энергетика ва захираҳои об дар татбиқи Барномаи ислоҳоти оби Тоҷикистон барои солҳои 2016-2025 ва беҳтар намудани амнияти обӣ ва устувории минтақаҳои ҳавзаи дарёҳои Вахш ва Зарафшон идома медиҳад.

Лоиҳаи рушди фарогирии деҳот/TRIGGER, ки муштаракан аз ҷониби Иттиҳоди Аврупо ва Вазорати федералии ҳамкориҳои иқтисодӣ ва рушди Олмон (BMZ) маблағгузорӣ мешавад, баҳри афзоиши арзиши изофаи маҳсулоти кишоварзӣ дар Тоҷикистон тавассути беҳбуди амнияти об ва устуворӣ, баланд бардоштани ҳосилнокии занҷираҳои арзиши интихобшуда, дастгирии рушди бозор, омодагии содирот, пешбурди соҳибкорӣ ва маслиҳатҳои сиёсӣ равона шудааст.

 

Шарофат АШУРОВА, 

мутахассис оид ба робита бо ҷомеаи

Лоиҳаи рушди фарогирии деҳот