EurAsiaDaily. Ба гуфтаи котиби матбуоти Президенти Россия Дмитрий Песков,  барои он ки ғаллаи Россия ба бозорҳои байналмилалӣ ворид гардад, таҳримҳои зидди Россия бояд лағв шаванд.  

 

RT. Роҳбари Комиссияи Аврупо Урсула фон дер Ляйен нияти боздид аз Миср дорад, то масъалаи ёрӣ ба минтақаро дар шароити буҳрони ғизо баррасӣ намояд.

 

URA. RU. Президенти ИМА Ҷо Байден бояд таҳримҳо алайҳи бахши нафти Россияро лағв кунад, то қимати ҷаҳонии захираи энергетикиро нигоҳ дорад. Бо чунин пешниҳод ба Роҳбари Амрико чанд конгрессмени кишвар муроҷиат намуданд.

 

Sputnik Белорус. Як қатораи мусофирбар, ки аз Машҳад, воқеъ дар шарқи Эрон ба самти вилояти Язд мерафт, субҳи чаҳоршанбе ба садама дучор шуд. Тибқи маълумоти охирин, шумораи қурбониёни садама 21 ва теъдоди осебдидагон ба 86 нафар мерасад.

 

RT. Палатаи намояндагони Конгресси ИМА лоиҳаи қонунеро дар бораи пурзӯр намудани назорат аз болои гардиши силоҳи оташфишон дар кишвар қабул кард.