ТАСС. Президенти Туркия Реҷеп Тайип Эрдоган эълом дошт, ки номзадии худро дар интихоботи ояндаи президентӣ пешбарӣ кардааст.

 

Мир 24. Ҳамкории иқтисодии Россия ва Арманистон пас аз таназзул бар асари пандемия ба сатҳи қаблии худ баргашт. Сарвазири Арманистон Никол Пашинян ва вазири корҳои хориҷии Россия Сергей Лавров дар Ереван корҳои муштарак дар бахшҳои мухталифро баррасӣ намуданд.

 

Росбалт. Россия барои иҷрои барномаҳои ивазкунандаи воридот дар Беларус 1,5 миллиард доллари амрикоӣ ҷудо мекунад, - гуфт Президенти Беларус Александр Лукашенко.

 

ТАСС. Президенти Бразилия Жаир Болсонару аз истеҳсолкунандагон ва фурӯшандагони озуқа даъват намуд, ки дар шароити баланди таваррум фоидаи ниҳоии худро кам намоянд. 

«Дар чунин лаҳзаҳои душвор мо бояд ба ҳамдигар ёрӣ расонем», - гуфт Сарвари давлат.

 

Мир 24. Идораи миллии шоҳроҳҳои Ҳиндустон рекорди ҷаҳонии Гиннессро гузошт. Тибқи иттилои The Financial Express, роҳи дарозиаш 75 километр дар тули чанд рӯз сохта шуд. Гуфта мешавад, ки дар татбиқи лоиҳа 720 корманд, аз ҷумла мутахассисони мустақил, ширкат варзиданд. Корҳои сохтмонӣ субҳи 3 июн оғоз гашта, шоми 7-ум ба охир расид. Барои сохтани роҳ 105 соату 33 дақиқа сарф шуд.