Хабарҳо
Путин ба муносибати Рӯзи Россия бар аҳамияти ваҳдат барои мардум таъкид кард
RT. «Шумо ва тамоми шаҳрвандони кишварро ба Рӯзи Россия - бо ҷашни давлатӣ, ки ба кишвари азизамон бахшида шудааст, табрик мегӯям. Имрӯз мо, махсусан дарк мекунем, ки то чи андоза муттаҳид будан барои Ватан, барои ҷомеаи мо, барои мардум муҳим аст.
Мо медонем, ки ин анъанаҳои чандинасра, арзишҳои ахлоқӣ, пояҳои маънавӣ чи қудрати бузург доранд. Онҳо дар давоми таърихи ҳазорсолаи Россия таваллуд ёфта, мустаҳкам шуданд. Имрӯз бошад, халқи сермиллати моро муттаҳид месозад, ки дар ҳама давру замон эҳсоси самимӣ, амиқи ватандӯстӣ барои онҳо муқаддас буд ва боқӣ мемонад», - таъкид дошт Роҳбари давлат.
Эрдоган ният дорад бо Путин ва Зеленский дар бораи ғаллаи Украина гуфтугӯ кунад
Известия. Президенти Туркия Реҷеп Тайип Эрдоган изҳор дошт, ки ният дорад бо Роҳбари Россия Владимир Путин ва Президенти Украина Владимир Зеленский ҳафтаи оянда барои баррасии авзоъ дар Украина ва, ҳамчунин, мушкилоти ғалла гуфтугӯ намояд.
Ба гуфтаи ӯ, Туркия дар ҳоли ҳозир ба далели қатъи интиқоли маҳсулоти кишоварзӣ аз Россия ва Украина мушкилоте надорад. Ғайр аз ин, худи мамлакат, чунон ки Роҳбари Туркия зикр кард, 5 миллион тонна гандум дорад, вале мехохад захираи онро зиёд намояд.
11 июн вазири корҳои хориҷии Туркия Мавлуд Чавушоглу гуфт, ки Анкара мунтазири посухи Москва ба пешниҳоди баргузории нишасти Россия, Украина, Туркия ва СММ дар мавриди содироти ғалла аз бандарҳои Украина мебошад.
Лукашенко сиёсати иқтисодии Россияро муваффақ номид
MKRU. Президенти Беларус Александр Лукашенко зимни таб-рики ҳамтои худ Владимир Путин ба муносибати Рӯзи Россия таъкид кард, ки Россия дар шароити душвори геополитикӣ нақшаҳои таъмини рушди динамикии иҷтимоию иқтисодиро бомуваффақият амалӣ месозад.
Роҳбари Беларус гуфт, ки ватандӯстӣ ва ваҳдати шаҳрвандони Россия, инчунин, дастгирӣ ва эътимоди баланд ба роҳи пешгирифтаи роҳбарияти кишвар посухи арзанда ба амалҳои ғайридӯстона алайҳи Россия гардид.
Лукашенко иброз намуд, ки ҳеҷ шакке надорад, русҳо, чунон ки дар таърих борҳо рух дода буд, ҳама мушкилоту озмоишҳоро устуворона паси сар хоҳанд кард.
Мулоқоти Назарбоев бо Путин
КазТАГ. Президенти собиқи Қазоқистон Нурсултон Назарбоев бо Президенти Федератсияи Россия Владимир Путин мулоқот намуда, ӯро бо Рӯзи Россия табрик гуфт. Дар мулоқоти дӯстона онҳо ба муносибати 30-юмин солгарди барқарории равобити ду кишвар табодули назар карданд.
Зимнан, зикр гардид, ки ҳамкориҳои Қазоқистону Росия дар заминаи муколамаи баробарҳуқуқӣ инкишоф меёбанд. Ҷонибҳо изҳори бовар ба идомаи минбаъдаи робитаҳои барқароршудаи дӯс-тона ба нафъи шукуфоии халқҳои Қазоқистон ва Россия намуданд.
Баёни ақида (0) Санаи нашр: №: Мутолиа карданд: 7071