Хабарҳо
ҶАҲОН ДАР ЯК САТР
RT. Ба иттилои намояндаи расмии Вазорати корҳои хориҷии Россия Мария Захарова, Россия омода аст, барои содироти ғаллаи Украина тавассути киштиҳои хориҷӣ дар сурати кафолат додани амният мусоидат намояд.
Мир24. Теъдоди қурбониёни заминларза дар вилоятҳои Пактико ва Хусти Афғонистон ба 1500 нафар расид,- хабар медиҳад шабакаи телевизионии «Al Jazeera» бо истинод ба сухангӯи «Толибон».
RT. Як мақоми баландпояи маъмурияти ИМА гуфт, ки Президенти Амрико Ҷо Байден ҳангоми боздид аз Аврупо барои иштирок дар нишастҳои G7 ва НАТО ният дорад бо Канслери Олмон Олаф Шолс ва Сарвазири Испания Педро Санчес мулоқот намояд.
Известия. Вазъият дар наздикии марзҳои ҷанубии Тоҷикистон, воқеан ҳам, хеле мушкил боқӣ мемонад, зеро дар манотиқи шимолии Афғонистон ҳудуди 6000 ҷангҷӯ фаъолият мекунад. Сухан дар бораи аъзои созмонҳои террористӣ, аз қабили “Ҷамоати Ансоруллоҳ”, “Давлати исломӣ” ё «Ҳаракати исломии Ӯзбекистон» (ташкилотҳое, ки дар Россия мамнуъ аст) меравад. Дар ин бора сафири Россия дар Тоҷикистон Игор Лякин-Фролов хабар додааст.
Баёни ақида (0) Санаи нашр: №: Мутолиа карданд: 3373