Хабарҳо
ҶАҲОН ДАР ЯК САТР
ТАСС. Президенти Туркия Реҷеп Тайип Эрдоган тасмим гирифтааст, ки 5 август барои мулоқот бо Президенти Россия Владимир Путин бо сафари якрӯза вориди Сочи шавад. Ба гуфтаи Анкара, дар ин музокирот масоили дуҷониба ва минтақавӣ баррасӣ хоҳанд шуд.
Мир24. Котиби давлатии Иттиҳоди давлатҳои Россия ва Беларус Дмитрий Мезенсев ва Раиси Шурои Федератсия Валентина Матвиенко натиҷаҳои Форуми минтақаҳо дар Гродноро баррасӣ карданд.
RT. Ҷо Байден, Президенти Амрико, 28 июл бо Роҳбари Чин Си Ҷинпин гуфтугӯи телефонӣ анҷом медиҳад.
Қаблан Ҷон Кирби, ҳамоҳангсози иртибототи стратегӣ дар Шурои амнияти миллии Амрико гуфт, ки Байден ният дорад дар суҳбат бо Си Ҷинпин масъалаи Украина ва Тайванро баррасӣ намояд.
ТАСС. Бино ба иттилои нашрияи «Der Spiegel», собиқ Канслери Олмон Герхард Шрёдер ҷиҳати музокирот дар бораи сиёсати энергетикӣ вориди Москва шуд.
Мир 24. Рӯзҳои 2-5 август дар Қирғизистон тамринҳои тактикиву махсуси неруҳои таъиноти махсуси СААД «Кобалт-2022» баргузор мешаванд.
Баёни ақида (0) Санаи нашр: №: Мутолиа карданд: 5441