Хабарҳо
СОЗМОНИ ҲАМКОРИИ ШАНХАЙ. ДИПЛОМАТИЯИ МАРДУМӢ ВА ТАҚВИЯТИ РУҲИЯИ ШАНХАЙ
Ходими калони шуъбаи Осиёи Ҷанубӣ ва Шарқии Институти Осиё ва Аврупои Академияи миллии илмҳои Тоҷикистон Мирсаид Раҳмонов, ки дар он ширкат дошт, ба “Ҷумҳурият” гуфт, ки ҳамоишро хонум Фарҳат Осиф оғоз намуда, оид ба арзишу муҳимияти СҲШ ва нақши аъзои он дар тавсеаи фаъолияти Созмон сухан гуфт.
Сипас, хонум Женг Вей, намояндаи Чин, К. Собиров, директори Маркази Дипломатияи мардумии СҲШ дар Ӯзбекистон, Оиша Форуқӣ, ҳамоҳангсози СҲШ дар назди Вазорати корҳои хориҷии Покистон, доктор Владимир Евсиев, роҳбари бахши ҳамгироии АвруОсиё ва Институти кишварҳои ИДМ-и СҲШ дар Россия, Акбота Жолдасбекова, профессори донишгоҳи миллии АвруОсиёи Қазоқистон, Антон Дударонак, коршинос аз Маркази стратегии кишвари Беларус, сухан ронданд.
Дар ҷаласа коршиноси тоҷик Мирсаид Раҳмонов зимни баромади худ нақши дипломатияи мардумиро дар рушди ҳамкориҳои гуногунҷанба миёни кишварҳои СҲШ ва ҳамкорони он дар минтақа ва ҷаҳон муҳим хонда, аз ташаббусҳои созандаи Ҷумҳурии Тоҷикистон дар масоили глобалӣ ёдовар шуд. Ӯ барои тавсеа ва тақвияти барномаҳо дар чаҳорчӯбаи СҲШ формулаеро зери номи PACE (promotion, activation, cooperation, economization– пешравӣ, фаъолнокӣ, ҳамкорӣ, сарфакорӣ) чун тарозуи санҷишӣ дар рушду нумӯи лоиҳаҳои СҲШ пешниҳод намуда, онро ҳамчун ченак барои натиҷагирии фаъолиятҳои созандаи кишварҳои аъзо лозим ва зарурӣ шумурд.
М. БАҲРОМ, “Ҷумҳурият”
Баёни ақида (0) Санаи нашр: №: Мутолиа карданд: 5493