logo

иқтисод

ТОҶИКОБОД. ФАРДО АЗ ИМРӮЗ ЗЕБОТАР МЕШАВАД

 
Мардуми ноҳияи Тоҷикобод бо шукргузорӣ аз фазои орому осоишта ва сиёсати зиндагисози Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон, Ҳукумати ҷумҳурӣ ба заҳмати босамару софдилона машғул буда, дар рушду пешрафти Ватани маҳбубамон ҳиссаи худро мегузоранд.
Дастуру супоришҳои Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон дар мулоқот бо роҳбарон ва фаъолон дар ноҳияи Данғара, ки 18 июни соли ҷорӣ ба вуқуъ пайваст, сармашқи фаъолияти ҳар як роҳбар то шаҳрванди одии ноҳия қарор гирифтааст, - иброз дошт Қадриддин Фақерзода, раиси ноҳияи Тоҷикобод ва суханашро чунин идома бахшид:
Дар ноҳия аз ҳисоби фаъолон ва масъулони сохторҳои зарурӣ гурӯҳҳои корӣ таъсис дода, дар ҳар ҷамоат, деҳаю маҳалла ва хона ба хона моҳият ва самаранокии ҳидоятҳои Пешвои миллат оид ба истифодаи босамари заминҳои корам, ҳарчи чи бештар истеҳсол намудани маҳсулот, махсусан зиёд кардани истеҳсоли картошка ва баланд бардоштани ҳосилнокии он, захираи маводи озуқаворӣ барои ду соли оянда, тақвияти консервкунонию хушкондани меваю сабзавот, зиёд намудани майдони кишти зироатҳои лӯбиёӣ ва донагиҳо корҳои фаҳмондадиҳӣ вусъат дода мешаванд.
Кишоварзӣ кори умумихалқӣ эълон шуда, тирамоҳи рафта ва баҳори соли ҷорӣ дар майдони 1151 гектар зироатҳои ғалладонагӣ, 134 гектар сабзавот, 81 гектар зироатҳои техникӣ, 15 гектар алафҳои бисёрсолаи хӯроки чорво кишт шуданд, ки баробари 100 фоизи иҷрои нақша мебошад. 
Дар ноҳия 1689 гектар боғ (ба истиснои 23,7 гектар тутзор) мавҷуд аст, ки аз ин 487 гектараш ба сохторҳои кишоварзӣ ва 1202 гектараш ба аҳолӣ рост меояд. 
Дар доираи супоришҳои Президенти мамлакат  солҳои 2021 ва 2022 барои рушди соҳаи кишоварзӣ, алалхусус зиёд намудани  истеҳсоли зироати афзалиятнок - картошка, аҳамияти махсус равона шуд. Дар ҳамаи шаклҳои хоҷагидорӣ соли ҷорӣ дар майдони 2017 гектар картошка кишт шудааст, ки аз ҷамъи майдони умумӣ 911 гектараш ба сохтори кишоварзӣ рост меояд. Нисбат ба соли гузашта дар ҳамаи шаклҳои хоҷагидорӣ майдони картошка 95 гектар, аз ҷумла дар сохтори кишоварзӣ 54 гектар, афзоиш ёфт. Умуман, нисбат ба соли 2021 майдони кишти зироатҳо 924 гектар зиёд гардидааст, ки аз масъулиятшиносии мардуми ноҳия дарак медиҳад. 
Таҳлили макроиқтисодии ноҳия нишон медиҳад, ки дар шаш моҳи соли равон ҳаҷми маҷмуи маҳсулоти дохилӣ 42 миллиону 985,6 ҳазор сомониро ташкил намуд, ки нисбат ба ҳамин давраи соли гузашта ба маблағи 1 миллиону 240,8 ҳазор сомонӣ зиёд гардидааст. Аз ҷамъи ҳаҷми маҷмуи маҳсулоти дохилӣ 40 миллиону 537,6 ҳазор сомонияш ба соҳаи кишоварзӣ рост меояд.
Нақшаи қисми даромадии буҷети ноҳия дар давраи ҳисоботӣ 100,4 ва қисми хароҷот дар ҳаҷми 92,6 фоиз таъмин гардид. Иҷрои воридоти андозҳои маҳаллӣ ба буҷет баробар ба 101,8 фоизи нақшаи шашмоҳа таъмин гашт. Зиёдтар аз нақша 68 203 сомонӣ ба буҷет ворид шуд. Дар ташкилоту муассисаҳои буҷетӣ қарздорӣ аз ҳисоби музди меҳнат мавҷуд нест. 
Тибқи нишондиҳандаҳои оморӣ, дар нимсолаи якуми соли равон ҳаҷми истеҳсоли маҳсулоти саноатӣ ба 2 миллиону 448 ҳазор сомонӣ расид, ки нисбат ба ҳамин давраи соли гузашта 501 ҳазор сомонӣ зиёд мебошад. Дар заминаи эълон гардидани солҳои 2022 – 2026 Солҳои рушди саноат баробари фаъолияти корхонаҳои истеҳсоли маҳсулоти сохтмонӣ, бо ташкили 5 корхонаи хурди саноатӣ, ки ба истеҳсоли маҳсулоти гуногуни ниёзи мардум машғул аст, қадамҳои устувор дар роҳи саноатикунонӣ гузошта шуданд. Ба ин васила, дар ноҳия бештар аз 100 ҷойи кор муҳайё гардид, асосан барои бонувон. 
Дар ҳамкорӣ бо шарикони рушд ва соҳибкорони маҳаллӣ чанд лоиҳа амалӣ шуд, коргоҳҳои саноатӣ таъсис ёфтанд. Бо маблағгузории Барномаи рушди Созмони Милали Муттаҳид бо харҷи 11 ҳазор доллари ИМА коргоҳи таъмири мошинолотҳои соҳаи кишоварзӣ фаъол гардид. Инчунин, соҳибкорони маҳаллӣ дар маркази ноҳия бо маблағи бештар аз 700 ҳазор сомонӣ корхонаҳои истеҳсоли дару тирезаҳои пластикӣ ва хишти сементиро мавриди баҳрабардорӣ қарор доданд.
Бо мусоидати Ҳукумати ҷумҳурӣ ва ибтикори Ҷамъияти хайриявии Тоҷикистон дар доираи ҳамкориҳои мутақобилан судманди Тоҷикистон ва Амороти Муттаҳидаи Араб барои бунёди 60 хонаи истиқоматӣ, мактаб, маркази саломатӣ ва дигар инфрасохтори зарурӣ санги асос гузоштем. Рӯзҳои наздик дар ин сохтмони азим кор оғоз меёбад. Татбиқи лоиҳа имкон медиҳад, ки қисме аз сокинони ниёзманд соҳиби хонаи истиқоматӣ гарданд.
Тайи ду соли охир бо шуъбаи «Каритас»-и Швейтсария робитаи мустаҳкам дорем. Соли гузашта барои ҳисоби маблағи кори устоҳо дар бун-ёди хонаҳои аз заминларза зарардидаи деҳаҳои деҳоти Лангари Шоҳ 4,5 миллион сомонӣ ҷудо намуда буд. «Каритас» имсол татбиқи чанд лоиҳаи ноҳияро ба нақша гирифта, барои зарардидагон аз сел, яъне муҳоҷирони экологӣ, дар деҳаи Сафедорон 7 хонаи истиқоматӣ месозад. Биноҳои таълимии куҳнаю фарсудаи муассисаҳои таълимии рақамҳои 2, 4, 9 ва 10 аз таъмири умумӣ баромаданд, дар назди ин мактабҳо ошхонаҳо сохта, бо таҷҳизот таъмин мешаванд. «Каритас» ваъда додааст, ки 5 ҳуҷраи дараҷаи хизматрасониаш олии меҳмонхонаи марказиро таъмиру таҷдид намуда, соли оянда ба маркази ноҳия хатти алоҳидаи оби нӯшокӣ мекашад.
Аз ҷониби Барномаи озуқаи ҷаҳонӣ 2 сардхона барои нигоҳдории маҳсулоти кишоварзӣ ва бунёди 24 гектар боғҳои нав дастгирӣ ёфта, бо харҷи 1 миллион сомонӣ корҳо бо маром идома доранд.
Дар нимсолаи дуюми соли равон татбиқи Лоиҳаи давлатии «Фарғона» бо маблағгузории Бонки ҷаҳонӣ оғоз меёбад. Лоиҳа 5 солро дар бар гирифта, тавассути он 11 канали обёрии зироатҳо таъмир мешавад. Дар назар аст, ки моҳи октябр таъмири 4 канал шуруъ меёбад. 
Мақомоти иҷроияи маҳаллии ҳокимияти давлатии ноҳия бо дастгирии мардум барои вусъат додани корҳои созандагию ободонӣ ба муносибати 35-солагии Истиқлоли давлатии Ҷумҳурии Тоҷикистон, Ҷашни 30-солагии баргузории Иҷлосияи шонздаҳуми Шурои Олӣ ва дар ин замина таъмин кардани амнияти озуқаворӣ, пойдории сулҳу ваҳдати миллӣ, баланд бардоштани сатҳи некуаҳволии халқ дар партави сиёсати хирадмандонаю дурбинона ва инсонпарваронаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо истифода аз тамоми имкониятҳо тадбирҳои заруриро амалӣ хоҳанд кард. 
 
Муҳаммадзоиршо  ШАРИФЗОДА,
«Ҷумҳурият»


Баёни ақида (0)    Санаи нашр: 19.08.2022    №: 161    Мутолиа карданд: 1002
31.01.2023


ДАВЛАТАЛӢ САИД ДАР ШАҲРИ КӮЛОБ

АЗ НИШАСТҲОИ МАТБУОТӢ

ВАО: “Теъдоди қурбониёни ҳамлаи террористи маргталаб дар Пешовар ба 72 нафар расид”

Ҷаҳон дар як сатр

ТАҶЛИЛИ БОШУКӮҲИ САДА ДАР ХАТЛОН

НАМОЯНДАИ ШИРКАТИ CNPC ДАР ХАТЛОН

ХАТЛОН. БАРДОШТИ ИХТИСОСӢ АЗ ҶАЛАСАИ НАЗОРАТӢ

СОЗМОНИ ҲАМКОРИИ ИҚТИСОДӢ. ТОҶИКИСТОН ДАР ТАҲКИМИ ФАЪОЛИЯТИ СОЗМОН НАҚШИ МУАССИР ДОРАД

27.01.2023


БМТ. ПАЁМ САРМАШҚИ ФАЪОЛИЯТ ХОҲАД БУД

25.01.2023


Вохӯрии вазирони корҳои хориҷии Тоҷикистон ва Ӯзбекистон

ТАЪСИСИ АВВАЛИН МАРКАЗИ ҒИЗОИ МАКТАБӢ

МУЛОҚОТ БО САФИРИ ҚАЗОҚИСТОН

23.01.2023


Ҷаҳон дар як сатр

14 май дар Туркия интихоботи президентӣ баргузор мешавад

«САЪБА»

17.01.2023


САМАРАНОКИИ ФАЪОЛИЯТ ВА ШАФФОФИЯТ

Мулоқоти Имангали Тасмагамбетов бо Сергей Поспелов

Игор Черевченко – сармураббии “Истиқлол”

16.01.2023


БОЗИҲОИ ОЛИМПӢ-2024

13.01.2023


ШАМЪИ ХОТИРА

11.01.2023


Муроҷиатномаи Раиси шаҳри Душанбе ба сокинони пойтахт

Санаи муҳорибаи аввалини Нурулло дар UFC аниқ шуд

ХОРУҒ. ҶАЛАСАИ ҶАМЪБАСТИ ФАЪОЛИЯТИ СОЛОНА

10.01.2023


БА АЗНАВБАҚАЙДГИРИИ СИМКОРТҲО МУҲЛАТИ КАМ МОНД

ҲИСОР. ДАР АРАФАИ СОЛИ НАВ 217 СОКИНИ ШАҲР СОҲИБИ ЗАМИН ШУД

ДБССТ. ҲАМКОРИҲОИ БАЙНАЛМИЛАЛӢ ВУ-СЪАТИ ТОЗА МЕГИРАНД

Пешниҳоди Александр Лукашенко

Ҷаҳон дар як сатр

ҶИУ-ҶИТСУ

Таҳкими ҳамкориҳои Тоҷикистон ва Ӯзбекистон

ТЕННИС

БОХТАР. ҒОЛИБОНИ ОЗМУНҲО ҚАДР ШУДАНД

ФАЙЗОБОД. ШАРҲУ ТАВЗЕҲИ ПАЁМ

09.01.2023


ХОРУҒ. БО ДАСТУРИ РУСТАМИ ЭМОМАЛӢ ДАР МАҲАЛЛАИ ТИРЧИД КӮДАКИСТОН СОХТА МЕШАВАД

03.01.2023


«ВЗЛЁТ ПЕРЕД ЗАКАТОМ»


Дар сомонаҳои дигари Тоҷикистон хонед