Дар шаҳри Тошкент ҷаласаи чоруми вазирони корҳои дохилӣ ва амнияти ҷамъиятии давлатҳои аъзои Созмони ҳамкории Шанхай баргузор гардид, ки дар он вазири корҳои дохилӣ Рамазон Раҳимзода иштирок ва суханронӣ кард.

Рамазон Раҳимзода изҳор дошт, ки мо бояд кӯшишҳои худро дар якҷоягӣ бар зидди се зуҳуроти номатлуб – терро-ризм, экстремизм ва сепаратизм равона намоем, зеро ин хатару таҳдидҳо ба амнияту суботи ҷаҳон, аз ҷумла фазои ки-шварҳои узви СҲШ таҳдид менамоянд. Тоҷикистон ба шарофати чораҳои саривақтӣ, инчунин, ҳамкорӣ ва ҳамоҳангии мақомоти ҳифзи ҳуқуқ дар мубориза бар зидди ин зуҳуроти номатлуб ба натиҷаҳои назаррас ноил гардид.

Дар хотима, аз рӯи натиҷаҳои ҷаласа протокол ба имзо расид.

 

 

Имзои қарордод бо ISAN Corporation + М50 Consulting Group

Вазири нақлиёт Азим Иброҳим ва директори филиали ширкати ISAN дар Алма-Ато Джон Хи Де аз ҷониби ширкатҳои муштараки ISAN Corporation+ М50 Consulting Group оид ба хизматрасониҳои ма-шваратӣ ҷиҳати назорати корҳои сохтмонӣ дар вилояти Суғд ва ВМКБ қарордод ба имзо расонданд.

Тавре Вазорати нақлиёт хабар медиҳад, он дар доираи лоиҳаи «Беҳтар намудани роҳҳои алоқаи минтақавӣ дар Осиёи Марказӣ, БРАМОМ – 4» амалӣ мешавад. Дар доираи лоиҳа, дар Бадахшон сохтмони пул аз болои дарёи Ғунд, воқеъ дар хиёбони Шириншоҳ Шоҳтемури шаҳри Хоруғ, бо дарозии 200 метр ва роҳҳои ба он пайвастшаванда бо даро-зии 1,1 км, роҳи мошингард дар мавзеи Барсем бо дарозии 3,4 км бо назардошти сохтмони ду долони зиддитармавӣ бо дарозии 840 м (290 м+550 м) ва пул бо дарозии 82,3 метр пешбинӣ мегарданд.

Инчунин, дар вилояти Суғд навсозӣ ва таҷдиди қитъаҳои роҳҳои мошингард бо дарозии 51,2 км дар назар аст.

 

 

««Роғун» – арсаи мардонагӣ»

Бо чунин унвон Иттифоқи журналистони Тоҷикистон озмуни эҷодиро барои журналистон ва публитсистон эълон намуд. Озмун дар асоси дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, инчунин, ба муносибати 35-солагии Истиқлоли давлатӣ ва эълони солҳои 2022 – 2026 ҳамчун панҷсолаи рушди саноат баргузор мегардад. 

Он бо мақсади таблиғу ташвиқи ҳамаҷонибаи саҳми Президенти Ҷумҳурии Тоҷикистон дар мавриди ба истифода додани ду агрегати аввали НБО “Роғун” ва идомаи сохтмони ин иншооти аср, тарғиби дастовардҳои Тоҷикистон ҳамчун кишвари дорои захираҳои бузурги гидроэнергетикӣ ва истеҳсолкунандаи «энергияи сабз», эҷоди асарҳои баландмазмуни публитсистӣ ва журналистӣ дар бораи қаҳрамонони заҳмати созандаву ватандӯстона, яъне бунёдкорони иншоот, расидан ба истиқлоли энергетикӣ ва инкишофи инфрасохтори муосири саноатии ҷумҳурӣ, татбиқи ҳадафи чоруми миллӣ – саноатикунонии босуръат доир мешавад.

Озмун аз 1 январ то 31 октябр давоми солҳои 2022 – 2026 гузашта, ба он маводе, ки дар матбуот, сомонаҳои хабари-ву шабакаҳои иҷтимоӣ ва телевизиону радио интишор гардидаанд, қабул хоҳанд шуд. 

Ғолибон ва шахсоне, ки ҷои ифтихориро гирифтанд, бо мукофотҳои пулӣ қадр мегарданд.

 

 

Дар Душанбе Конфронси байналмилалӣ доир мешавад

Вазорати корҳои хориҷӣ хабар дод, ки 18 – 19 октябри соли равон дар пойтахти кишвар Конфронси байналмилалии сатҳи баланд таҳти унвони «Ҳамкории байналмилалӣ ва минтақавӣ оид ба амният ва мудирияти сарҳад ҷиҳати муқовимат ба терроризм ва пешгирӣ аз ҳаракати террористҳо» баргузор ме-гардад.

Вазорат аз намояндагони васоити ахбори оммаи ватанӣ ва хориҷӣ даъват кардааст, ки ҷиҳати иштирок дар чораби-нии мазкур ба раёсати иттилоот ва матбуоти Вазорат муроҷиат намуда, маълумоти марбутаро бо тартиби муқарраргар-дида то 15 сентябр манзур намоянд. Ҳамзамон, тақозо мегардад, ки иштирокчиёни ҳамоиш дар торнамои расмии Кон-фронс то 30 сентябр аз раванди бақайдгирӣ гузаранд.