Хабарҳо
ЛИГАИ ОЛӢ
Садрнишини ҷадвал иваз шуд
4 сентябр «Истиқлол» дар бозии марказии даври 14-уми Чемпионати Тоҷикистон оид ба футбол миёни дастаҳои Лигаи олӣ бар «Файзканд» бо ҳисоби 3:1 ғолиб омада, бо касби 27 хол ба мавқеи аввали ҷадвал баромад.
Дар вохӯрии дигари давр «Равшан-К» ба дарвозаи КМВА як голи беҷавоб зад.
Натиҷаи қувваозмоиҳои дигар: «Хуҷанд» – «Хатлон» – 1:0, «Истаравшан» – «Равшан-З» – 2:2 ва «Эсхата» – «Регар-ТадАЗ» – 1:0.
СУПЕРЛИГА
«Истиқлол» ба зинаи якум баромад
Футзалбозони бошгоҳи «Истиқлол» дар зӯрозмоии марказии даври 13-уми Суперлигаи Тоҷикистон дастаи «Сипар»-ро шикаст дода (4:2), бо 32 хол ба зинаи аввал баромаданд.
Рақобат миёни дастаҳои «Пойтахт» ва «Истаравшан» бо ҳисоби 5:7 хотима ёфт.
«Соро компания» бошад, бар «Самандар» пирӯз омад (9:2).
Пас аз ин давр дастаҳои «Сипар» ва «Соро компания» бо 31-холӣ ҷойҳои дуюм ва сеюмро ишғол мекунанд.
Дар даври оянда «Истаравшан» бо «Истиқлол», КМВА бо «Самандар» (10 сентябр), «Пойтахт» бо «Равшан» ва «Соро компания» бо «Сипар» (11 сентябр) неру месанҷанд.
ГИМНАСТИКАИ БАДЕӢ
Панҷ медали наврасони тоҷик аз мусобиқаи байналмилалӣ
Варзишгарони навраси тоҷик дар VI мусобиқаи байналмилалӣ оид ба гимнастикаи бадеӣ (Актау, Қазоқистон, 23 – 28 август) сазовори 5 медали биринҷӣ гаштанд.
Бар пояи иттилои Кумитаи миллии олимпӣ, кишварро 4 дастпарвари мактаби варзишии шаҳри Хуҷанд намояндагӣ карданд. Нишонҳоро Садафмоҳ Маҳмадҷалолзода (ду медал), Маликахон Алиматова, Шукронахон Акбарова ва Фаризахон Бахтиёрзода ба даст оварданд.
Маҳмуд БАҲРОМ, шореҳи варзиш
Баёни ақида (0) Санаи нашр: №: Мутолиа карданд: 3081