Известия. Ёрдамчии Президенти Россия Юрий Ушаков гуфт, ки  мулоқоти Владимир Путин ва Раиси Ҷумҳурии Мардумии Чин Си Ҷинпин дар Самарқанд дар ҳошияи нишасти сарварони кишварҳои узви Созмони ҳамкории Шанхай аҳамияти хосса хоҳад дошт. Интизор меравад, ки раҳбарон ҳам рӯзномаи дуҷониба ва ҳам мавзуъҳои муҳими минтақавию байналмилалиро баррасӣ намоянд.  

 

Известия. Бори аввал дар таърих мумкин аст як зан сафири фавқулода ва мухтори ИМА дар Россия шавад. Тавре рӯзномаи «Коммерсант»  навиштааст, Линн Трейси, раҳбари намояндагии дипломатии Амрико дар Арманистон, метавонад номзад ба ин мақом гардад.

 

Мир 24. Раҳматулло Нуримбетов, ҳамоҳангсози миллии СҲШ аз Ӯзбекистон, изҳор дошт, ки дар нишасти сарварони давлатҳои узви Созмони ҳамкории Шанхай дар Самарқанд шаш шарики нави муколама, аз ҷумла чаҳор кишвари арабӣ, қабул мешавад.

 

Мир24. Ду рӯз қабл аз баргузории нишасти сарварони кишварҳои узви Созмони ҳамкории Шанхай ҳайатҳои кишварҳои ширкаткунанда, аллакай, ба кори худ дар Ӯзбекистон шуруъ карданд. Дар Тошкент фестивали байналмилалии филмҳо оғоз гардид. Он соли гузашта эҳё шуд ва имрӯз  барои саноати синамои ҷаҳонӣ як рӯйдоди муҳимест.