Хабарҳо
Ҷаҳон дар як сатр
Мир 24. Рӯзи аввали нишасти сарварони СҲШ дар Самарқанд ба поён расид. Дар фарҷоми ҳамаи мулоқотҳо роҳбарони кишварҳо дар маҷмааи нави сайёҳии Ӯзбекистон «Роҳи Абрешим» ҷамъ омада, дар ҳудуди он дарахт шинонданд.
CentralAsia (UZ). Президенти Ӯзбекистон Шавкат Мирзиёев ба Раиси Ҷумҳурии Мардумии Чин Си Ҷинпин мукофоти олии давлатӣ– ордени «Олий дараҷали дӯстлик»-ро тақдим кард. Сарвари Чин нахустин роҳбари хориҷие шуд, ки ба ин мукофоти олии давлатӣ сарфароз гаштааст.
Известия. Роҳбари Россия Владимир Путин зимни мулоқот бо Роҳбари Чин Си Ҷинпин гуфт, ки тибқи натоиҷи соли ҷорӣ, гардиши мол миёни Россия ва Чин ба сатҳи нави рекордӣ мерасад ва дар оянда он аз 200 миллиард доллари ИМА бештар хоҳад шуд.
RT. Котиби генералии СААД Станислав Зас ва Котиби генералии СҲШ Чжан Мин дар чаҳорчӯбаи саммити СҲШ масъалаҳои ҳамкорӣ дар бахши амнияти байналмилалиро баррасӣ намуданд, – изҳор дошт хадамоти матбуоти СААД.
Мир 24. Президенти Россия Владимир Путин зимни мулоқоти сеҷониба бо Си Ҷинпин, Раиси Ҷумҳурии Мардумии Чин ва Ухнаагийн Хурэлсух, Президенти Ҷумҳурии Муғулистон, дар ҳошияи нишасти сарварони СҲШ дар Самарқанд даъват кард, ки дар тиҷорат бо Чин ва Муғулистон аз асъори миллии ҳамдигар бештар истифода шавад.
Баёни ақида (0) Санаи нашр: №: Мутолиа карданд: 2815