Мир 24. Бино ба иттилои намояндаи расмии Вазорати корҳои хориҷии Ӯзбекистон Юсуф Қобулҷонов, саммити сарварони СҲШ дар Самарқандро дар Telegram 340 миллион нафар тамошо карданд. 

 

Gazeta.ru. Дабири кулли Созмони Милали Муттаҳид Антониу Гутерриш дар  чорабинӣ бахшида ба Ҳадафҳои Рушди Устувор  гуфт, ки ҷаҳон бар асари афзоиши шумораи низоъҳои низомӣ, тағйирёбии иқлим ва пайомадҳои пандемияи коронавирус зери хатар қарор дорад.  

 

ТАСС. Президенти Туркия Реҷеп Тайип Эрдоган дар нишасти Кумитаи ҳамоҳангсозии миллии Туркияву Амрико дар Ню-Йорк гуфт: "Мо талошҳои худро барои хотима додан ба ҷанг ва рафъи пайомадҳои манфии он дар миқёси минтақавӣ ва ҷаҳонӣ тавассути дипломатия идома хоҳем дод".  

 

Синхуа. Узви Бюрои сиёсии КМ Ҳизби Коммунистии Чин, сардори дафтари Комиссияи КМ ҲКЧ оид ба корҳои хориҷӣ Ян Сзечи бо котиби Шурои амнияти Россия Николай Патрушев даври 17-уми машваратҳои Чину Россия оид ба масъалаҳои амнияти стратегиро баргузор намуданд. Дар рафти он масъалаҳои дуҷониба, муносибатҳо ва вазъият дар соҳаи амнияти байналмилалӣ, корҳои байналмилалӣ ва ҳамкорӣ дар шаклҳои бисёрҷониба баррасӣ гардида, натиҷаҳои мусбат ба даст оварда шуданд.