Мир 24. «Беларуси бародарӣ иттифоқчии наздиктарин ва шарики стратегии мост. Имсол мо 30-юмин солгарди барқарории муносибатҳои дипломатиро ҷашн гирифтем. Дар байни ду кишвар ҳамкориҳои бисёрсоҳавӣ ва ҳамгироӣ инкишоф ёфта, созишномаи бунёдӣ дар бораи таъсиси Иттиҳоди давлатҳои Россия ва Беларус, инчунин, 28 барномаи мушаххаси ба таври иловагӣ мувофиқашуда, пайваста амалӣ мешаванд», - гуфт Президенти Россия Владимир Путин.

 

Лента.ру. “Дабири кулли СММ бо Канслери Олмон Олаф Шолс мулоқот карда, низоъ дар Украина ва таъсири ҷаҳонии он, аз ҷумла ба амнияти ғизоӣ, ҳамчунин, мавзуи ҳамкориҳои СММ ва Олмонро мавриди баррасӣ қарор доданд.  

 

ТАСС. Вазири корҳои хориҷии Федератсияи Россия Сергей Лавров барои ширкат дар иҷлосияи 77-уми Маҷмаи умумии СММ ба Ню-Йорк  парвоз кард.

 

Росбалт. Президенти Боливия Луис Арсе зимни суханронӣ дар Ассамблеяи генералӣ изҳор дошт, ба Созмони Милали Муттаҳид пешниҳод мекунад, ки он майдони  бастани созишномаи таърихии сулҳ дар тамоми ҷаҳон гардад.

 

RT. Дабири кулли СММ Антониу Гутерриш бо Роҳбари Туркия Реҷеп Тайип Эрдоган масъалаи содироти ғаллаи Украина ва нуриҳои минералии  Россияро баррасӣ намуд.