Мир 24. «Дар Ереван моҳи ноябр саммити солонаи Созмони Аҳдномаи амнияти дастаҷамъӣ баргузор мешавад. Зикр мекунам, ки Созмон дар робита ба вазъи муташанниҷ дар минтақаи марзии Арманистону Озарбойҷон чораҳо меандешад. Ҳайати вижа таҳти раҳбарии Дабири кулли СААД ба минтақаи муқовимат фиристода шудааст. Ба ӯ супориш дода шуд, ки аз рӯи натиҷаи омӯзиши  вазъияти кор пешниҳодеро ба Шурои амнияти дастаҷамъии СААД омода созад.

Таъкид менамоям, ки ҳар гуна вазъияти ихтилофоти байни давлатҳои ба мо наздик  нигаронии ҷиддиро ба амал меорад. Мо ҳамаро ба худдорӣ, қатъиян риояи реҷаи оташбас ва қотеона аз  изҳороти сеҷонибаи раҳбарони Россия, Озарбойҷон ва Арманистон пайравӣ  намудан даъват менамоем”, - гуфт Президенти Россия Владимир Путин.

 

 

Дабири кулли Созмони Милали Муттаҳид даъват кард, ки мушкилоти содироти нуриҳои минералӣ аз Россия ба таври фаврӣ ҳал шавад

 

INTERFAX.RU. Дабири кулли СММ Антониу Гутерриш зимни суханронӣ дар Маҷмаи умумии Созмони Милали Муттаҳид гуфт: “Барои беҳбуди вазъи буҳрони ғизоӣ дар ҷаҳон, ҳалли фаврии мушкилоти таъмини нуриҳои минералӣ зарур аст”.

Дабири кулли СММ афзуд, ки идома додани рафъи ҳама монеаҳои боқимонда дар роҳи содироти нуриҳои минералии Россия ва ҷузъҳои он, аз ҷумла аммиак, хеле муҳим аст. “Имсол дар ҷаҳон маводи ғизоӣ кофӣ аст, аммо мушкил дар тақсими он аст. Агар вазъи нуриҳои минералӣ дар бозор ба эътидол наояд, таъмини маводи ғизоӣ метавонад ба мушкили навбатӣ табдил ёбад", - гуфт ӯ. Ҳамзамон, вай ба мушкилоти дигари ҷаҳонӣ, бахусус мубориза бо тағйирёбии иқлим, ишора кард, ки ба назари ӯ, бояд “фаъолияти калидии ҳар як ҳукумат ва ҳар созмони байналмилалӣ” бошад.

 

 

Россия пешбурди барномаи рӯзномаи муттаҳидкунандаро идома хоҳад дод

RT. Роҳбари Россия Владимир Путин иброз намуд, ки мо аз роҳи пешгирифтаи худ ҳаргиз барнамегардем ва ҳамчун узви доимии Шурои амнияти Созмони Милали Муттаҳид ният дорем, ки ба пешбурди рӯзномаи муттаҳидкунандаи байналмилалӣ идома диҳем. Ӯ, инчунин, изҳор дошт, ки Россия омода аст, минбаъд низ дар ҷустуҷӯи вокунишҳои муассир ба чолишҳо ва таҳдидҳои замони муосир ва, ҳамчунин, дар ҳалли низоъҳои шадиди минтақавӣ саҳм гузорад.

Илова бар ин, Путин гуфт, ки ҳаракат ба сӯи бисёрқутбӣ ба самти асосии сиёсати байналмилалӣ табдил ёфтааст.

Қаблан, вазири корҳои хориҷии Россия Сергей Лавров гуфта буд, ки Россия ба принсипи баробарии соҳибихтиёрии давлатҳо содиқ аст ва ҳамкориҳоро бо аксари кишварҳо густариш медиҳад.