Маҳз аз баракати сулҳу субот, ваҳдату сарҷамъии миллат ва заҳматҳои шабонарӯзии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон шаҳри Истаравшан рӯ ба пешрафти бесобиқа ниҳода, раванди татбиқи ҳадафҳои миллӣ ва иҷрои барномаҳои давлатӣ густариши тоза пайдо намуданд ва марҳила ба марҳила рушди устувори ҳамаи соҳаҳо таъмин гардида истодааст. 

 

Дар ин замина бо иштироки раиси шаҳр Адҳам Маъмурзода ва фаъолони деҳаҳои Қадамҷо ва Оби Зулоли  деҳоти Нофароҷ ба корҳои мумфаршкунии роҳи асосии деҳот, ки дарозии он 2,8 километр буда, паҳноияш 6 метрро ташкил медиҳад, ҳусни оғоз бахшида шуд.

Мумфаршкунии роҳи мазкур бо дастгирии раиси вилоят Раҷаббой Аҳмадзода аз ҳисоби маблағҳои буҷети вилоят амалӣ мегардад. Дар корҳои мумфаршкунӣ фармоишгар раёсати сохтмони асосии Мақомоти иҷроияи ҳокимияти давлатии вилоят буда, пудратчӣ ҶДММ "Роҳи Ваҳдат" интихоб шудааст.

Роҳи мазкур мақоми байниноҳиявӣ дошта, сокинони якчанд деҳаҳои ноҳияи Деваштич низ аз он истифода мебаранд.  

Дар ин амали хайр, корҳои ҳамворкунии роҳ аз ҷониби Мақомоти иҷроияи ҳокимияти давлатии шаҳри Истаравшан ва сокинони деҳоти Нофароҷ амалӣ гашт.

Мумфаршкунии роҳҳо дар заминаи дастури Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамасола дар тамоми гӯшаву канори кишварамон амалӣ карда мешавад.     

 

Саъдулло САЙФУЛЛОЗОДА, 

рӯзноманигор