Мир 24. Дар Венесуэла бар асари борони сел обхезии шадид ба амал омад. Дарёҳо аз соҳилҳои худ баромаданд, ки ин боиси фаромадани ярч  ва ба ҳалокат расидани 36 нафар гардид. Теъдоди ҳалокшудагон меафзояд, бинобар ин, дар кишвар мотами серӯза эълон шудааст.

 

RT. Бино ба иттилои АИР «Новости», дар Тоҷикистон машқҳои дастаҷамъонаи қувваҳои зудамали минтақаи Осиёи Марказӣ «Сарҳад – 2022» оғоз шуданд. Иштирокчиён омодагӣ ва гузарондани амалиёти ҷангиро барои аз байн бурдани гурӯҳҳои мусаллаҳи шартии ғайриқонунӣ тамрин мекунанд.

 

Марҳилаи фаъоли машқҳо 17 – 21 октябр дар машқгоҳи «Ҳарбмайдон», воқеъ дар 140-километрии ҷануби Душанбе баргузор мешаванд.

 

INTERFAX.RU. Президенти Россия Владимир Путин имрӯз дар Санкт-Петербург бо директори генералии МАГАТЭ Рафаэл Гросси дар бораи авзоъ дар Неругоҳи барқи атомии «Запорожйе» ва эҷоди як минтақаи амниятӣ дар атрофи он гуфтугӯ хоҳад кард.

 

Lenta.ru. Ба навиштаи нашрияи «Politico», Канслери Олмон Олаф Шолс тасмим гирифтааст, ки 3 – 4 ноябр аз Чин боздид намояд. Ин нахустин сафари роҳбари кишварҳои G7 ба Чин аз замони оғози пандемияи коронавирус хоҳад буд.  

 

ТАСС. Нархи молу хизматрасониҳо дар Латвия тайи 12 моҳи охир ба ҳисоби миёна 22,2 дарсад боло рафтааст, ки ин баландтарин нишондод аз соли 1995 мебошад. Сабаби аслии афзоиши таваррум афзудани масраф ба маводи ғизоӣ, нақлиёт ва манзил мебошад. Ҳамин тариқ, нархи озуқаворӣ ва нӯшокиҳои ғайриспиртӣ дар як сол 27,5 дарсад ва сӯзишворӣ 37,4 дарсад боло рафт.