Боиси ифтихору хушнудист, ки дар соҳаҳои иқтисодиву иҷтимоӣ ва сиёсӣ бо сарварии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Тоҷикистони азиз роҳи садсоларо дар се даҳа тай кард.

 

Роҳҳову нақбҳо, неругоҳҳову хатҳои муқтадири интиқоли барқ, мактабҳову донишгоҳҳо, раставу хиёбонҳо, корхонаҳои саноатӣ бунёд ёфтанд.

Ободии пойтахт касро ба тааҷҷуб меорад. Воқеан, дар як муддати кӯтоҳ биноҳои хуштарҳу баланду замонавӣ гувоҳ аз пешрафту тараққиёти он мебошад.

Гузашта ҳанӯз аз пеши чашму зеҳни мо дур нашудааст. Мардуме, ки аз деҳот меомаданд, дар як муддати на чандон зиёд рафтуомад ба тамоми гӯшаҳои шаҳрро меомӯхтанд. Ҳоло мо, ки дар шаҳр иқомат мекунем, дар рафтану ёфтани як кӯча ва ё маҳал ба мушкилот рӯ ба рӯ мешавем.

Шоҳроҳҳои нав моро ба тамоми гӯшаҳои шаҳру навоҳӣ дар вақти кӯтоҳ мепайванданд. Ин ҳама имкон фароҳам оварданд, ки сатҳи зиндагии мардум беҳтар шавад. Албатта, ин самари истиқлол ва заҳматҳои Пешвои муаззами миллат  муҳтарам Эмомалӣ Раҳмон аст.

Пешвои муаззами миллат бо иродаи матин, фазлу дониш, масъулияти баланди ватандӯстию миллатдӯстӣ ва маҳорати беҳамто миллатро аз вартаи ҷанги шаҳрвандӣ наҷот дод, ҷон ба каф гирифта, ба минтақаҳои хатарнок барои музокирот рафт, рақибони сиёсиро ба оғӯш кашид, ҷинояткоронро бахшид, фирориёнро ба Ватан баргардонд, миллати парокандаро ба ваҳдат овард, сарҷамъ намуд. 

Моро мебояд, ки ба қадри ин неъматҳои бузург бирасем ва дар атрофи Пешвои миллат муҳтарам Эмомалӣ Раҳмон муттаҳид гардем.

 

Иноят АДОЛАТОВ,

устоди Академияи ВКД Ҷумҳурии Тоҷикистон