logo

қонунҳои ҶТ

ҚОНУНИ ҶУМҲУРИИ ТОҶИКИСТОН ОИД БА ВОРИД НАМУДАНИ ТАҒЙИРОТ БА ҚОНУНИ ҶУМҲУРИИ ТОҶИКИСТОН «ДАР БОРАИ ОЛАМИ ҲАЙВОНОТ»

 

Моддаи 1. Ба Қонуни Ҷумҳурии Тоҷикистон «Дар бораи олами ҳайвонот» аз 5 январи соли 2008 (Ахбори Маҷлиси Олии Ҷумҳурии Тоҷикистон, с. 2008, № 1, қ. 2, мод. 19) тағйироти зерин ворид карда шаванд:
1. Дар моддаи 1:
- дар сархати панҷум калимаҳои «ва берун аз он» ба калимаҳои «дар шароити озоди табиӣ» иваз карда шаванд;
- сархатҳои нуҳум ва дувоздаҳум дар таҳрири зерин ифода карда шаванд:
«- коллексияи зоологӣ – маҷмуи намудҳои олами ҳайвонот, ки бо низоми ягона бо роҳи интихоб ё усулҳои омӯзиши ирсиятҳои фарқкунанда, бо мақсади истифодабарӣ дар фаъолияти илмӣ, селексионӣ, таълимӣ ва иҷрои корҳои дигар ҷамъоварӣ карда мешаванд;
- Китоби сурхи Ҷумҳурии Тоҷикистон – маҷмуи маълумот оид ба намудҳои нодир, нобудшаванда ё зери хатари нобудшавӣ қарордоштаи олами наботот ва ҳайвонот, ки бо мақсади ҷорӣ намудани низоми махсуси ҳифз ва азнавбарқароркунии минбаъдаи онҳо таҳия карда мешаванд;».
2. Аз матни моддаи 2 калимаи «(Сарқонуни)» хориҷ карда шавад.
3. Дар номи моддаи 3 калимаҳои «моликияти давлатӣ» ба калимаи «моликият» иваз карда шаванд.
4. Дар моддаи 4:
- қисми якум дар таҳрири зерин ифода карда шавад:
«Олами ҳайвонот аз рӯи намуд ва таъиноти мақсадноки худ ба категорияҳои зерин ҷудо мешавад:
- намудҳои ҳайвоноти нодир ва зери хатари нобудшавӣ қарордошта;
- намудҳои ҳайвоноте, ки объекти шикор мебошанд;
- намудҳои ҳайвоноте, ки объекти моҳидорӣ мебошанд;
- намудҳои ҳайвоноте, ки бо мақсади хоҷагидорӣ истифода мешаванд (ғайр аз шикор ва моҳидорӣ);
- намудҳои ҳайвоноте, ки бо мақсадҳои хоҷагидорӣ истифода намешаванд, вале арзиши экологӣ, фарҳангӣ ва илмӣ доранд;
- намудҳои ҳайвоноте, ки саршумори онҳо бо мақсади ҳифзи сиҳатии аҳолӣ, пешгирии касалшавии ҳайвоноти хонагӣ ва кишоварзӣ, пешгирии зарар ба муҳити зист, нарасондани талафоти ҷиддӣ ба фаъолияти кишоварзӣ бояд танзим карда шаванд.»;
- дар қисми дуюм калимаҳои «эҳтиёт кардан» ба калимаи «нигоҳдорӣ» иваз карда шаванд.
5. Дар сархати сеюми қисми дуюми моддаи 5 калимаи «таваллудхонаҳо» ба калимаҳои «ҷойҳои наслгирӣ» иваз карда шавад.
6. Номи боби 2 дар таҳрири зерин ифода карда шавад:
«БОБИ 2. ТАНЗИМИ ДАВЛАТИИ МУҲОФИЗАТ ВА ИСТИФОДАИ ОЛАМИ ҲАЙВОНОТ».
7. Дар моддаи 7:
- сархати дуюм дар таҳрири зерин ифода карда шавад:
«- қабули барномаҳои ҷумҳуриявӣ оид ба муҳофизат ва истифодаи оқилона, барқароркунӣ, афзун гардонидани маҳсулнокӣ ва таъмини устувории олами ҳайвонот;»;
- сархати сеюм хориҷ карда шавад.
8. Дар моддаи 8:
- номи модда дар таҳрири зерин ифода карда шавад:
«Моддаи 8. Ваколатҳои мақомоти ваколатдори давлатӣ оид ба муҳофизат, истифода ва барқароркунии олами ҳайвонот»;
- дар матни модда калимаи «салоҳияти» ба калимаи «ваколатҳои» иваз карда шавад;
- дар сархатҳои чорум ва панҷум калимаҳои «Китоби Сурхи Тоҷикистон» ба калимаҳои «Китоби сурхи Ҷумҳурии Тоҷикистон» иваз карда шаванд.
9. Дар моддаи 9:
- дар номи модда калимаи «Салоҳияти» ба калимаи «Ваколатҳои» иваз карда шавад;
- дар матни модда калимаҳои «ояндаи олами ҳайвонотро муайян карда» ба калимаҳои «дар муайян намудани дурнамои олами ҳайвонот  иштирок мекунанд» иваз ва калимаи «давлатии» хориҷ карда шаванд.
10. Моддаи 11 дар таҳрири зерин ифода карда шавад:
«Моддаи 11. Назорати ҷамъиятӣ
Назорати ҷамъиятӣ бо мақсади ҳамкорӣ бо мақомоти ваколатдор ва иштирок дар муҳофизат, истифодаи оқилона ва барқароркунии олами ҳайвонот аз тарафи шахсони воқеӣ ва иттиҳодияҳои ҷамъиятӣ амалӣ карда мешавад.».
11. Дар қисми якуми моддаи 14 калимаҳои «ваколатдори давлатӣ» ба калимаи «ваколатдор» иваз карда шаванд.
12. Моддаи 16 дар таҳрири зерин ифода карда шавад:
«Моддаи 16. Шикори ҳайвонот ва парандаҳои ваҳшӣ
Шикори ҳайвонот ва парандаҳои ваҳшӣ аз ҷониби шахсони воқеӣ, ки мақоми шикорчиро доранд, дар доираи меъёрҳои муқарраргардида бо тартиби муқаррарнамудаи Қонуни мазкур ва қонунгузории Ҷумҳурии Тоҷикистон амалӣ карда мешавад.
Ҳангоми шикор истифодаи олоту воситаҳои хатари умумидошта манъ аст.».
13. Дар сархати сеюми қисми якуми моддаи 17 калимаҳои «боҷи давлатии рухсатномаи ҳуқуқи шикорро, ки қонунгузории андози Ҷумҳурии Тоҷикистон муқаррар намудааст,» ба калимаҳои «маблағи роҳхати шикорро» иваз карда шаванд.
14. Моддаи 19 хориҷ карда шавад.
15. Дар қисми дуюми моддаи 21 калимаҳои «ваколатдори муҳофизат ва танзими истифодаи олами ҳайвонот» ба калимаи «ваколатдор» иваз карда шаванд.
16. Дар моддаи 25:
- дар ном ва матни модда калимаҳои «Пардохти ҳаққи» ва «пардохти ҳаққи» мувофиқан ба калимаҳои «Пардохтҳо барои» ва «пардохтҳо барои» иваз карда шаванд;
- дар қисми чорум калимаҳои «давлатӣ» ва «Китоби Сурх» мувофиқан ба калимаҳои «давлатии олами ҳайвонот» ва «Китоби сурхи Ҷумҳурии Тоҷикистон» иваз карда шаванд.
17. Сархати шашуми қисми якуми моддаи 27 дар таҳрири зерин ифода карда шавад:
«- бо мақомоти ваколатдор ҷиҳати муҳофизат ва истифодаи оқилонаи олами ҳайвонот ҳамкорӣ намоянд.».
18. Моддаи 30 дар таҳрири зерин ифода карда шавад:
«Моддаи 30. Муайян кардани намудҳо, баҳисобгирӣ ва танзими саршумори объектҳои олами ҳайвонот
Чорабиниҳо оид ба муайян кардани намудҳо, баҳисобгирӣ ва танзими саршумори объектҳои олами ҳайвонот аз тарафи мақомоти ваколатдор бо ҷалби ташкилотҳои илмии дахлдор, ташкилотҳои дигари манфиатдор ва иттиҳодияҳои ҷамъиятӣ амалӣ карда мешаванд.».
19. Сархатҳои ҳафтум ва ҳаштуми моддаи 31 дар таҳрири зерин ифода карда шаванд:
«- парвариши намудҳои ҳайвоноти нодир ва зери хатари нобудшавӣ қарордошта дар шароити ғайриозод;
- ҷорӣ намудани маҳдудият барои истифодаи объектҳои олами ҳайвонот бо мақсади ташкил намудани коллексияҳои зоологӣ;».
20. Сархати дуюми қисми чоруми моддаи 32 дар таҳрири зерин ифода карда шавад:
«- то бист метр наздик аз макони зисти ҳайвоноте, ки сарҷамъона зиндагӣ мекунанд, шудгор кардани замин, инчунин, бе иҷозати пешакии мақомоти ваколатдор ба ҷойи дигар кӯчонидани онҳо;».
21. Сархати дуюми моддаи 33 дар таҳрири зерин ифода карда шавад:
«- нигоҳдории тамомияти популятсияи намудҳои ҳайвоноти нодир, зери хатари нобудшавӣ қарордошта, намудҳои ба маҳал хос, кӯчӣ ва ҳайвоноти дигари арзишманд;».
22. Дар моддаи 36 калимаҳои «мувофиқи» ва «давлатии ваколатдор мувофиқа кунонида» мувофиқан ба калимаҳои «мутобиқи» ва «ваколатдор мувофиқа карда» иваз карда шаванд. 
23. Номи боби 8 дар таҳрири зерин ифода карда шавад:
«БОБИ 8. МУҲОФИЗАТИ НАМУДҲОИ ҲАЙВОНОТИ НОДИР ВА ЗЕРИ ХАТАРИ НОБУДШАВӢ ҚАРОРДОШТА».
24. Моддаи 39 дар таҳрири зерин ифода карда шавад:
«Моддаи 39. Дохил намудани намудҳои ҳайвонот ба Китоби сурхи Ҷумҳурии Тоҷикистон
Намудҳои ҳайвоноти нодир ва зери хатари нобудшавӣ қарордошта ба Китоби сурхи Ҷумҳурии Тоҷикистон дохил карда мешаванд. Низомномаи Китоби сурхи Ҷумҳурии Тоҷикистонро Ҳукумати Ҷумҳурии Тоҷикистон тасдиқ менамояд.
Амалҳое, ки боиси ҳалокат, камшавии саршумор ё халалдор гаштани муҳити зисти намудҳои ҳайвоноти нодир ва зери хатари нобудшавӣ қарордошта мегарданд, манъ аст.».
25. Дар моддаи 40:
- дар ном ва қисми якум калимаҳои «намудҳое, ки ба онҳо хатари нобудшавӣ таҳдид менамояд» ба калимаҳои «зери хатари нобудшавӣ қарордошта» иваз карда шаванд;
- дар қисми дуюм калимаҳои «таҳти хатари маҳвшавӣ қарордоштаро» ба калимаҳои «зери хатари нобудшавӣ қарордоштаро» иваз карда шаванд.
26. Моддаи 41 дар таҳрири зерин ифода карда шавад:
«Моддаи 41. Тартиби истифодаи намудҳои ҳайвоноти нодир ва зери хатари нобудшавӣ қарордошта
Истифодаи намудҳои ҳайвоноти нодир ва зери хатари нобудшавӣ қарордошта бо мақсадҳои илмию тадқиқотӣ, фарҳангию маърифатӣ, тарбиявӣ, зебоишиносӣ, фароғатӣ, солимгардонӣ ва ҳифзи табиат, ба даст овардани маҳсулот ва хусусиятҳои фоиданоки ҳаётии онҳо дар асоси иҷозатномаи аз ҷониби мақомоти ваколатдор додашуда амалӣ мегардад.
Бо мақсади ҳифз ва ба низом даровардани саршумор шикори ҳайвоноти нодир ва зери хатари нобудшавӣ қарордошта манъ аст.».
27. Дар моддаи 44 калимаҳои «ваколатдори муҳофизат ва танзими истифодаи олами ҳайвонот» ба калимаи «ваколатдор» иваз карда шаванд.
28. Дар қисми якуми моддаи 47 калимаҳои «ваколатдори муҳофизат, танзим ва истифодаи олами ҳайвонот» ба калимаи «ваколатдор» иваз карда шаванд.
29. Номи боби 14 дар таҳрири зерин ифода карда шавад:
«БОБИ 14. МУҚАРРАРОТИ ХОТИМАВӢ».
30. Моддаи 52 хориҷ карда шавад.
31. Моддаи 53 дар таҳрири зерин ифода карда шавад:
«Моддаи 53. Ҷавобгарӣ барои риоя накардани талаботи Қонуни мазкур
Шахсони воқеӣ ва ҳуқуқӣ барои риоя накардани талаботи Қонуни мазкур бо тартиби муқаррарнамудаи қонунгузории Ҷумҳурии Тоҷикистон ба ҷавобгарӣ кашида мешаванд.». 
32. Аз матни Қонун калимаҳо ва рақами «БОБИ 15. МУҚАРРАРОТИ ХОТИМАВӢ» хориҷ карда шаванд.
Моддаи 2. Қонуни мазкур пас аз интишори расмӣ мавриди амал қарор дода шавад.
 
Президенти  
Ҷумҳурии Тоҷикистон    Эмомалӣ РАҲМОН
ш. Душанбе, 24 декабри соли 2022, № 1937
 
Қарори Маҷлиси намояндагони 
Маҷлиси Олии Ҷумҳурии Тоҷикистон
Дар бораи қабул кардани Қонуни Ҷумҳурии Тоҷикистон 
«Оид ба ворид намудани тағйирот ба Қонуни Ҷумҳурии Тоҷикистон «Дар бораи олами ҳайвонот»
Мутобиқи моддаи 60 Конститутсияи Ҷумҳурии Тоҷикистон Маҷлиси намояндагони Маҷлиси Олии Ҷумҳурии Тоҷикистон қарор мекунад:
Қонуни Ҷумҳурии Тоҷикистон «Оид ба ворид намудани тағйирот ба Қонуни Ҷумҳурии Тоҷикистон «Дар бораи олами ҳайвонот» қабул карда шавад.
 
Раиси Маҷлиси намояндагони
Маҷлиси Олии Ҷумҳурии Тоҷикистон М. ЗОКИРЗОДА
ш. Душанбе, 3 октябри соли 2022, № 849
 
Қарори Маҷлиси миллии 
Маҷлиси Олии Ҷумҳурии Тоҷикистон
Дар бораи Қонуни Ҷумҳурии Тоҷикистон «Оид ба ворид намудани тағйирот ба Қонуни Ҷумҳурии Тоҷикистон «Дар бораи олами ҳайвонот»
Мутобиқи моддаи 60 Конститутсияи Ҷумҳурии Тоҷикистон ва моддаи 59 Қонуни конститутсионии Ҷумҳурии Тоҷикистон «Дар бораи Маҷлиси Олии Ҷумҳурии Тоҷикистон» Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон «Оид ба ворид намудани тағйирот ба Қонуни Ҷумҳурии Тоҷикистон «Дар бораи олами ҳайвонот»-ро баррасӣ намуда, қарор мекунад: 
Қонуни Ҷумҳурии Тоҷикистон «Оид ба ворид намудани тағйирот ба Қонуни Ҷумҳурии Тоҷикистон «Дар бораи олами ҳайвонот» ҷонибдорӣ карда шавад.
 
Раиси Маҷлиси миллии Маҷлиси 
Олии Ҷумҳурии Тоҷикистон Рустами ЭМОМАЛӢ
ш. Душанбе, 16 декабри соли 2022, № 331
 


Баёни ақида (0)    Санаи нашр: 04.01.2023    №: 10-11    Мутолиа карданд: 682
31.01.2023


ДАВЛАТАЛӢ САИД ДАР ШАҲРИ КӮЛОБ

АЗ НИШАСТҲОИ МАТБУОТӢ

ВАО: “Теъдоди қурбониёни ҳамлаи террористи маргталаб дар Пешовар ба 72 нафар расид”

Ҷаҳон дар як сатр

ТАҶЛИЛИ БОШУКӮҲИ САДА ДАР ХАТЛОН

НАМОЯНДАИ ШИРКАТИ CNPC ДАР ХАТЛОН

ХАТЛОН. БАРДОШТИ ИХТИСОСӢ АЗ ҶАЛАСАИ НАЗОРАТӢ

СОЗМОНИ ҲАМКОРИИ ИҚТИСОДӢ. ТОҶИКИСТОН ДАР ТАҲКИМИ ФАЪОЛИЯТИ СОЗМОН НАҚШИ МУАССИР ДОРАД

27.01.2023


БМТ. ПАЁМ САРМАШҚИ ФАЪОЛИЯТ ХОҲАД БУД

25.01.2023


Вохӯрии вазирони корҳои хориҷии Тоҷикистон ва Ӯзбекистон

ТАЪСИСИ АВВАЛИН МАРКАЗИ ҒИЗОИ МАКТАБӢ

МУЛОҚОТ БО САФИРИ ҚАЗОҚИСТОН

23.01.2023


Ҷаҳон дар як сатр

14 май дар Туркия интихоботи президентӣ баргузор мешавад

«САЪБА»

17.01.2023


САМАРАНОКИИ ФАЪОЛИЯТ ВА ШАФФОФИЯТ

Мулоқоти Имангали Тасмагамбетов бо Сергей Поспелов

Игор Черевченко – сармураббии “Истиқлол”

16.01.2023


БОЗИҲОИ ОЛИМПӢ-2024

13.01.2023


ШАМЪИ ХОТИРА

11.01.2023


Муроҷиатномаи Раиси шаҳри Душанбе ба сокинони пойтахт

Санаи муҳорибаи аввалини Нурулло дар UFC аниқ шуд

ХОРУҒ. ҶАЛАСАИ ҶАМЪБАСТИ ФАЪОЛИЯТИ СОЛОНА

10.01.2023


БА АЗНАВБАҚАЙДГИРИИ СИМКОРТҲО МУҲЛАТИ КАМ МОНД

ҲИСОР. ДАР АРАФАИ СОЛИ НАВ 217 СОКИНИ ШАҲР СОҲИБИ ЗАМИН ШУД

ДБССТ. ҲАМКОРИҲОИ БАЙНАЛМИЛАЛӢ ВУ-СЪАТИ ТОЗА МЕГИРАНД

Пешниҳоди Александр Лукашенко

Ҷаҳон дар як сатр

ҶИУ-ҶИТСУ

Таҳкими ҳамкориҳои Тоҷикистон ва Ӯзбекистон

ТЕННИС

БОХТАР. ҒОЛИБОНИ ОЗМУНҲО ҚАДР ШУДАНД

ФАЙЗОБОД. ШАРҲУ ТАВЗЕҲИ ПАЁМ

09.01.2023


ХОРУҒ. БО ДАСТУРИ РУСТАМИ ЭМОМАЛӢ ДАР МАҲАЛЛАИ ТИРЧИД КӮДАКИСТОН СОХТА МЕШАВАД

03.01.2023


«ВЗЛЁТ ПЕРЕД ЗАКАТОМ»


Дар сомонаҳои дигари Тоҷикистон хонед