Моддаи 1. Ба Қонуни Ҷумҳурии Тоҷикистон «Дар бораи гаравхона (ломбард)» аз 22 июли соли 2013 (Ахбори Маҷлиси Олии Ҷумҳурии Тоҷикистон, с. 2013, №7, мод. 520; с. 2014, №11, мод. 662; с. 2020, №7-9, мод. 619) тағйироту иловаи зерин ворид карда шаванд: 

1. Аз ном ва муқаддимаи Қонун, сархати якуми моддаи 1, ном ва матни моддаи 2, қисми 1 моддаи 4 аломат ва калимаҳои «(ЛОМБАРД)», «(ломбард)» ва «(ломбард, минбаъд - гаравхона)» хориҷ карда шаванд. 

2. Моддаҳои 31 ва 32 бо мазмуни зерин илова карда шаванд:

«Моддаи 31. Салоҳияти Ҳукумати Ҷумҳурии Тоҷикистон дар соҳаи танзими фаъолияти гаравхонаҳо

Ба салоҳияти Ҳукумати Ҷумҳурии Тоҷикистон дар соҳаи танзими фаъолияти гаравхонаҳо мансубанд:

- пешбурди сиёсати давлатӣ дар соҳаи танзими фаъолияти гаравхонаҳо;

- муайян намудани мақоми ваколатдори давлатӣ дар соҳаи танзими фаъолияти гаравхонаҳо;

- фароҳам овардани шароитҳои мусоид барои рушди соҳаи танзими фаъолияти гаравхонаҳо; 

- амалӣ намудани дигар салоҳияти пешбининамудаи қонунгузории Ҷумҳурии Тоҷикистон.

Моддаи 32. Ваколатҳои мақоми ваколатдори давлатӣ дар соҳаи танзими фаъолияти гаравхонаҳо

Ба ваколатҳои мақоми ваколатдори давлатӣ дар соҳаи танзими фаъолияти гаравхонаҳо мансубанд:

- амалӣ намудани сиёсати давлатӣ дар соҳаи танзими фаъолияти гаравхонаҳо;

- мониторинги фаъолияти гаравхонаҳо;

- натиҷагирӣ аз таҷрибаи танзими фаъолияти гаравхонаҳо; 

- таҳия ва ба Ҳукумати Ҷумҳурии Тоҷикистон пешниҳод намудани таклифҳо оид ба такмили қонунгузории Ҷумҳурии Тоҷикистон дар соҳаи танзими фаъолияти гаравхонаҳо;

- таҳия ва қабули санадҳои меъёрии ҳуқуқӣ дар соҳаи танзими фаъолияти гаравхонаҳо; 

- иҷозатномадиҳӣ ба фаъолияти гаравхонаҳо;

- амалӣ намудани дигар ваколатҳои пешбининамудаи қонунгузории Ҷумҳурии Тоҷикистон.».

3. Дар матни моддаи 5 калимаҳои «санадҳои меъёрии ҳуқуқии Ҷумҳурии Тоҷикистон» ба калимаҳои «қонунгузории Ҷумҳурии Тоҷикистон дар соҳаи фаъолияти баҳодиҳӣ» иваз карда шаванд.

4. Дар сархати панҷуми қисми 4 моддаи 4, ном ва матни моддаи 5, қисми 5 моддаи 7, қисми 3 моддаи 8, сархати чоруми қисми 2 моддаи 10 ва сархати чоруми қисми 2 моддаи 11 калимаҳои «нархгузории», «Нархгузории», «нархгузорӣ» ва «нархгузоришудаи» мувофиқан ба калимаҳои «баҳодиҳии», «Баҳодиҳии», «баҳодиҳӣ» ва «баҳододашудаи» иваз карда шаванд.

Моддаи 2. Қонуни мазкур пас аз интишори расмӣ мавриди амал қарор дода шавад. 

 

Президенти 

Ҷумҳурии Тоҷикистон Эмомалӣ  РАҲМОН

ш. Душанбе, 24 декабри соли 2022, № 1945

 

 

Қарори Маҷлиси   намояндагони  

Маҷлиси  Олии  Ҷумҳурии  Тоҷикистон 

Дар бораи қабул кардани Қонуни Ҷумҳурии Тоҷикистон «Оид ба ворид намудани тағйироту илова ба Қонуни Ҷумҳурии Тоҷикистон «Дар бораи гаравхона (ломбард)»

Мутобиқи моддаи 60 Конститутсияи Ҷумҳурии Тоҷикистон Маҷлиси   намояндагони  Маҷлиси  Олии  Ҷумҳурии  Тоҷикистон қарор мекунад:

Қонуни Ҷумҳурии Тоҷикистон «Оид ба ворид намудани тағйироту илова ба Қонуни Ҷумҳурии Тоҷикистон «Дар бораи гаравхона (ломбард)» қабул карда шавад.

 

Раиси Маҷлиси намояндагони 

Маҷлиси Олии Ҷумҳурии Тоҷикистон М. ЗОКИРЗОДА

ш. Душанбе, 1 декабри соли 2022, № 924

 

Қарори Маҷлиси миллии 

Маҷлиси Олии Ҷумҳурии Тоҷикистон

Дар бораи Қонуни Ҷумҳурии Тоҷикистон «Оид ба ворид намудани тағйироту илова ба Қонуни Ҷумҳурии Тоҷикистон «Дар бораи гаравхона (ломбард)»

Мутобиқи моддаи 60 Конститутсияи Ҷумҳурии Тоҷикистон ва моддаи 59 Қонуни конститутсионии Ҷумҳурии Тоҷикистон «Дар бораи Маҷлиси Олии Ҷумҳурии Тоҷикистон» Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон «Оид ба ворид намудани тағйироту илова ба Қонуни Ҷумҳурии Тоҷикистон «Дар бораи гаравхона (ломбард)»-ро баррасӣ намуда, қарор мекунад:

Қонуни Ҷумҳурии Тоҷикистон «Оид ба ворид намудани тағйироту илова ба Қонуни Ҷумҳурии Тоҷикистон «Дар бораи гаравхона (ломбард)» ҷонибдорӣ карда шавад.

 

Раиси Маҷлиси миллии Маҷлиси 

Олии Ҷумҳурии Тоҷикистон Рустами ЭМОМАЛӢ

ш. Душанбе, 16 декабри соли 2022, № 346