Меҳроҷ дар Чин  нишони тилло гирифт

Варзишгари тоҷик Меҳроҷ Камолов дар мусобиқаи кушоди ҷиу-ҷитсу, ки дар шаҳри Ҳангжоуи Чин баргу-зор гардид, мақоми аввалро касб намуд.

Дар ин бора аз Федератсияи ҷиу-ҷитсуи кишвар иттилоъ доданд. 

Ёдовар мешавем, ки дар Чемпионати ҷаҳон  (27 октябр – 10 ноябр, Амороти Муттаҳидаи Араб) варзиш-гарони тоҷик 10 медал гирифта буданд. 

 

 

 

ГАРЕТ БЭЙЛ

Қаҳрамони 5-каратаи Лигаи чемпионҳо корномаашро  ба охир расонд

Футболбози 32-солаи уэлсӣ Гарет Бэйл аз анҷоми корномаи варзишиаш хабар дод. Ӯ дастпарвари бошгоҳи «Саутгемптона» буда, дар тимҳои “Тоттенҳем” ва “Реал” (Мадрид) ва «Лос-Анджелес»  бозӣ кардааст.

Бэйл дар ҳайати “Реал” қаҳрамони Лигаи чемпионҳо (5 бор), Чемпионати Испания (3 бор), барандаи Су-перҷоми Аврупо (ду бор), Ҷоми Испания ва Суперҷоми Испания мебошад. 

Ин бозигар беҳтарин нишонзани тими миллии Уэлс (41 гол) буда, тавонист тимашро ба марҳилаи ниҳоии Ҷоми ҷаҳон (Қатар – 2022) барорад. 

– Пас аз фикрҳои дуру дароз тасмим гирифтам, ки фаъолияти футболбозиамро қатъ намоям. Ман худро бениҳоят хушбахт меҳисобам, зеро тавонистам орзуямро амалӣ созам ва бо варзиши дӯстдоштаам машғул шавам, – гуфтааст бозигар дар шабакаи иҷтимоӣ.  

 

 

Роберто Мартинес – сармураббии мунтахаби Португалия 

Тибқи иттилои Федератсияи футболи Португалия, Роберто Мартинеси испанӣ сармураббии тими миллии Португалия таъин гардид. Ӯ дар ин мақом Фернандо Сантушро, ки аз соли 2014 то 2022 ба ҳайси сарму-раббӣ буд, иваз намуд. 

Робертои 49-сола аз соли 2016 то 2022 сармураббии тими миллии Белгия буд ва пас аз Ҷоми ҷаҳонии Қатар ӯ ба истеъфо рафт. Натиҷаи аз ҳама баланди Мартинес дар фаъолияти мураббигиаш ба даст овар-дани медалҳои биринҷии Ҷоми ҷаҳон (2018, Россия) мебошад. 

 

Маҳмуд БАҲРОМ, 

шореҳи варзиш