барқияҳо
29 май Президенти Ҷумҳурии Тоҷикистон Эмомалӣ Раҳмон ба Президенти Ҷумҳурии Исломии Покистон Осиф Алӣ Зардорӣ барқияи тасаллият ирсол намуд, ки дар он омадааст:
Ҷаноби Олӣ ,
Бо андӯҳи бузург ва эҳсоси хашму ғазаб хабари ҳамлаи ифротгароёну террористонро ба масоҷиди Лоҳур дарёфт намудам.
Чунин амали даҳшатангези гурӯҳи ҳама гуна хислатҳои одамиро гумкарда, ки дар марказҳои маънавию рӯҳонии мо рух додаст, сазовори ҷазо ва маҳкумият аст ва бори дигар чеҳраи ғайриинсонии терроризмро ба аҳли олам намудор кардааст.
Тоҷикистон ҷонибдори қатъӣ ва усулии саркӯб намудан ва решакан кардани ин гуна зуҳуроти манфури глобалӣ буда, дар ин кори хайр аз ҳамкорӣ ва амали муштарак бо Покистони дӯст дареғ нахоҳад варзид.
Хоҳишмандам ба наздикони қурбоншудагон ва осебдидагон изҳори ҳамдардии моро бирасонед.
Баёни ақида (0) Санаи нашр: №: Мутолиа карданд: 3705