Дастгирию ғамхорӣ нисбат ба омӯзгорон дар сиёсати давлату Ҳукумати кишвар дар авлавият қарор гирифта, аз ҷониби Пешвои муаззами миллат доим  таъкид ба он мешавад, ки  кулли ҷомеа ба ин қишри ояндасоз бояд эҳтироми хосе дошта  бошад. Чун ҳамеша Президенти Ҷумҳурии Тоҷикистон зимни ироаи  Паёми навбатӣ ба Маҷлиси Олии мамлакат  23 декабри соли 2022 аз қадру манзалати беҳамтои ин қишри ҷомеа  бо меҳру муҳаббат ҳарф заданд, ки барои мо – омӯзгорон, дар фаъолияти ҳаррӯзаамон  равони тозае бахшид: 

“Мо мактабро ҳамчун боргоҳи илму дониш, саводу маърифат ва омӯзгорро чун шахси мафкурасозу тарбиятгари насли наврас эътироф карда, ба онҳо арҷу эҳтиром гузоштанро аз ҷумлаи масъалаҳои муҳимтарин медонем. Агар мактаб ва омӯзгор набошад, сатҳи маърифатнокии мардум паст мегардад, миллат бесавод мемонад, ҷомеа ба ҷаҳолат гирифтор мешавад ва дар натиҷа, оромиву сулҳу субот, амнияту осоиш ва, муҳимтар аз ҳама, рушди давлат сахт халалдор мегардад”.

Баробари ин, барои боз ҳам 20 дарсад баланд бардоштани музди маоши кормандони соҳаи маориф  Президенти кишвар супориш  доданд, ки ба беҳтар гардидани зиндагии онҳо равона шудааст, зеро беҳбудии ҳаёти омӯзгор, беҳбудии ояндаи миллат аст. Бо ин иқдом Пешвои миллат бори дигар равшангари роҳи фардои миллат, яъне омӯзгоронро ба касбу кори пуршарафашон дилгармтару  руҳбаланд намуданд. Сарвари давлат бисёр бамаврид таъкид карданд: “Фаромӯш набояд кард, ки пешрафти давлат ва ояндаи ободи Ватан аз сатҳи донишу маърифатнокии мардум вобастагии мустақим дорад”. 

Чунин дастгириҳо ва арҷгузории Президенти мамлакат ба фаъолияти омӯзгорон моро водор менамояд, ки ба таълиму тарбияи босифати хонандагон диққати бештар дода, барои омодасозии кадрҳои баландихтисоси замонавӣ саҳми назаррас гузорем. 

 

Озар ҒАФУРОВ,

директори МТМУ № 13-и 

ноҳияи Лахш