барқияҳо
Барқияи шодбош унвонии президенти Ӯзбекистон
Президенти Ҷумҳурии Тоҷикистон Эмомалӣ Раҳмон ба унвони Президенти Ҷумҳурии Ӯзбекистон Ислом Каримов барқияи шодбош фиристод, ки дар он гуфта мешавад:
«Ислом Абдуғаниевичи мӯҳтарам,
Шумо ва тамоми мардуми ӯзбекро ба муносибати солгарди навбатии истиқлолияти давлатии Ҷумҳурии Ӯзбекистон бо камоли фараҳмандӣ ва самимона табрик менамоям.
Мо ба қадри муносибатҳои чандинасраи дӯстона ва ҳусни ҳамҷавории мамлакатҳоямон мерасем, ки халқҳои моро ба ҳамдигар мепайванданд. Азми қавӣ дорем, ки барои самараи дилхоҳ додани таҷриба ва нерӯи фаровони ҳамкории мутақобилан муфиди мамлакатҳоямон тамоми тадбирҳои заруриро андешем.
Боварӣ дорам, ки муносибатҳо ва ҳамкории давлатҳоямон дар оянда ҳам ба манфиати сулҳу субот ва пешрафти мамлакатҳоямон ба таври муттасил густариш хоҳанд ёфт.
Ба шумо, Ислом Абдуғаниевичи мӯҳтарам, саломатии комил, барори кор ва ба халқи ӯзбек зиндагии фараҳмандона, сулҳу осоиш ва шукуфоӣ орзу менамоям».
Баёни ақида (0) Санаи нашр: №: Мутолиа карданд: 3708
