энергетика
94 корхона ба кор даромад
Гул Шералӣ, вазири энергетика ва саноати ҷумҳурӣ, дар нишасти матбуотӣ ба намояндагони расонаҳои хабарӣ аз бурду бохти нӯҳмоҳаи вазорат иттилоъ дода, аз ҷумла зикр кард, ки ҳаҷми истеҳсоли маҳсулоти саноатӣ якҷо бо кору хизмат дар кишвар ба 5 миллиарду 349 миллион сомонӣ расид, ки дар муқоиса ба ҳамин давраи соли гузашта 513, 3 ҳазор сомонӣ зиёд аст.
Аз вазорату идораҳои шуғли саноатидошта танҳо се вазорат, мелиоратсия ва захираҳои об, нақлиёт ва коммуникатсия, меҳнат ва ҳифзи иҷтимоӣ ин аҳолӣ нисбат ба ҳамин давраи соли қаблӣ истеҳсоли маҳсулотро кам карданд.
Аз ҳисоби фаъолияти истеҳсолкунандагони хурду инфиродӣ, дар маҷмӯъ ба маблағи 1 миллиарду 297 миллион сомонӣ маҳсулот истеҳсол гашт.
Корхонаю муассисаҳои дар системаи вазорат фаъолиятбаранда соли ҷорӣ ба маблағи 1 миллиарду 590 миллион сомонӣ маҳсулот истеҳсол карда, хизматҳои пулакӣ расониданд.
Дар ин давра истеҳсоли нерӯи барқ, мазут, сӯзишвории дизелӣ, маҳсулоти заргарӣ, дӯзандагӣ ва ғайра афзуд.
Дар самти барқарорсозии корхонаҳо як қатор комёбӣ ба даст омад. Дар ҷумҳурӣ 94 корхона, аз ҷумла «Душанбе-Текс», ҶММ «Эҳё пласт»-и Душанбе, «Хима текстил»-и Ёвон, Комбинати бойгардонии «Зарнисор», «Некӯ Хуҷанд», «Чарми Осиё»-и Данғара ва ғайра ба кор дароварда шуданд.
Муҳаммади НУРУЛЛОҲ
Баёни ақида (0) Санаи нашр: №: Мутолиа карданд: 4756
