барқияҳо
Барқияи шодбошӣ ба Гурбонгулӣ
Бердимуҳаммадов
Президенти Ҷумҳурии Тоҷикистон Эмомалӣ Раҳмон ба унвони Президенти Туркманистон Гурбонгулӣ Бердимуҳаммадов барқияи табрикӣ фиристод, ки дар он омадааст:
Гурбонгулӣ Маликгулиевичи мӯҳтарам,
Бо камоли майл ба Шумо ва кулли мардуми ба мо дӯсти туркман ба ифтихори солгарди истиқлолияти давлатии Туркманистон табрикоти самимии хешро мефиристам.
Дар марҳилаи тайшуда Туркманистони ба мо дӯст таҳти сарварии Шумо дар пешбурди иқтисод ва боло бардоштани сатҳи зиндагии мардум ба дастовардҳои қобили таваҷҷӯҳ ноил гашт, дар минтақа аз эътибори баланд бархӯрдор аст, ҳамчунин ба узви фаъоли ҷомеаи ҷаҳонӣ табдил ёфта, мунтазам ҷиҳати таъмини амният ва субот кӯшиш ба харҷ медиҳад.
Бо истифода аз фурсати хуш, мехоҳам бахусус азми қавиамонро дар густариш ва таҳкими ҳамкориҳои давлатҳоямон ба хотири манфиатҳои бунёдии дарозмӯҳлат, ки омили муҳимтарини эътидол ва рушди Осиёи Марказӣ маҳсуб меёбад, таъкид намоям.
Иҷозат диҳед ба Шумо, Гурбонгулӣ Маликгулиевичи мӯҳтарам, тандурустии комил ва пешравиҳои нав ба манфиати рушди Туркманистони ба мо дӯст ва ба мардуми ба мо бародар сулҳу некбахтӣ орзу намоям.
Баёни ақида (0) Санаи нашр: №: Мутолиа карданд: 3616