туризм
Хатсайри нав ба самти Шарқи Дуру Миёна тарҳрезӣ гардид
-Дар нӯҳ моҳи соли равон КВД «Тоҷикаэронавигатсия» баҳри таъмини бехатарии парвозҳо як идда чорабиниҳоро татбиқ намуд,- гуфт Анвар Махсудов, директори генералии КВД «Тоҷикаэронавигатсия».
Барои самаранок истифода бурдани захираҳои меҳнатӣ ва беҳтар намудани хизматрасонӣ дар таъмини бехатарии парвозҳо дар фазои кишвар ва ҳамоҳангшавии низоми аэронавигатсионии кишвар ба стандартҳои ҷаҳонӣ Ширкати махсусгардонидашудаи Финландия тибқи шартнома таҷҳизоти метеорологӣ ирсол намуд, ки он дар бахши Қӯрғонтеппабуда насб шуда истодааст. Ҳамчунин бо мутахассисони Вазорати мудофиаи Фаронса барномаи мукаммали тарҳрезии сохтмони Манораи муназзимӣ дар шаҳри Душанбе таҳия гардид.
Бо мақсади пешбурди фаъолияти стратегии муассиса дурнамои рушди КВД «Тоҷикаэронавигатсия» барои солҳои 2010-2015 таҳия ва тасдиқ шуд. Хатсайри нав ба самти Шарқи Дуру Миёна тарҳрезӣ гардида, ба сохторҳои болоӣ барои мувофиқа ирсол гашт.
Яке аз масъалаҳои муҳиме, ки дар пеш дорем, ин бо мутахассисони баландихтисос таъмин кардани корхона мебошад, ки имрӯз ҳалли худро ёфта истодааст. Аз ҷумла 15 нафар хатмкунандаи Коллеҷи авиатсионии Қирғизистон ба кор қабул гардид.
Бо мақсади таъмини муассиса бо кадрҳои ихтисоси «Муназзими идораи ҳаракати ҳавоӣ» 15 нафар дар Коллеҷи авиатсионии Қирғизистон ва Коллеҷи олии давлатии авиатсионии Минск таҳсил дорад,- гуфт Анвар Махсудов.
Муҳаммадзоиршо ШАРИФЗОДА
Баёни ақида (0) Санаи нашр: №: Мутолиа карданд: 6528
