номаҳо
Телефони мобилӣ зарар дорад, агар…
Имрӯзҳо дар қаламрави кишвари азизи мо- Тоҷикистон истифодаи телефонҳои мобилӣ бениҳоят зиёд шудааст. Ба ҳисоби миёна ба ҳар сари хоҷагӣ 5-6 телефони мобилӣ рост меояд. Мувофиқи маълумотҳои мавҷуда ба ҳисоби миёна як шаҳрванд дар як моҳ 11-12 доллари ИМА барои телефони худ харҷ мекунад. Пас маълум мешавад, ки дар як хоҷагӣ дар як моҳ ба ҳисоби миёна 55-60 доллари ИМА танҳо барои телефони мобилӣ харҷ мегардад. Беҳтар мебуд, агар ақаллан 50%-и ҳамин маблағе, ки барои телефон харҷ мешавад, барои таъминоти рӯзгор истифода ё дар бонкҳои тиҷоратӣ пасандоз мегардид, то дар вақти зарурӣ бо фоизаш бармегашт.
Аз тарафи дигар бисёр ҷавонон дар телефонҳои худ сабтҳоеро истифода мебаранд, ки ба мафкураи маънавии онҳо таъсири манфӣ мерасонад.
Зарари дигараш дар он аст, ки дар миёни сӯҳбати расмӣ ё самимонаи чанд нафар телефони яке аз онҳо занг мезанад ва афроде, ки ҳамроҳи ӯ ҳастанд, нороҳат мешаванд.
Пешрафт ва рушди технологияи муосир ба таври васеъ зиндагии инсонро таҳти таъсир қарор додааст. Телефони мобилӣ яке аз чунин технологияи муосир мебошад. Вақти он расидааст, ки аз ин кашфиёти бузурги муосир бамаврид бархӯрдор гардида, аз фарҳангу маърифати истеъмоли он канораҷӯӣ насозем.
Шукрулло Ашӯров,
донишҷӯи курси 4-уми факултаи «Иқтисодиёт ва молия»-и
Донишкадаи иқтисодии Тоҷикистон
Баёни ақида (0) Санаи нашр: №: Мутолиа карданд: 3676